Аллерген — антигенҳое, ки дар ашхоси нисбати онҳо ҳассос аксуламали аллергиро ба вуҷуд меоваранд. Аксуламали аллергӣ тадриҷан баъди ба организм ворид шудани аллерген (пас аз 24 – 72 соат) оғоз мегардад, вале агар дар хуни бемор оид ба ҳамин аллерген подтан (ҷисми бегона) мавҷуд бошад, он тезтар, яъне баъди 15 – 20 дақиқа ба вуқӯъ меояд. Вобаста ба пайдоиш аллергенҳо маишӣ, эпидермиявӣ, инсектисидӣ ва ғайра мешаванд. Муҷиби аллергия метавонад гарди рустанӣ, чанги хона, матоъҳои синтезӣ, баъзе хӯроквориҳо, дорувор ва дигар аллергенҳо бошад. Аллерген ба организм ворид шуда, дар бофтаҳои лимфоидӣ подтанҳо ҳосил мекунад. Дар натиҷа моддаҳои барои организм заҳрнок (гистамин, атсетилхолин, гепарин, брадикинин) ҳосил мешаванд.

Эзоҳ вироиш

Сарчашма вироиш