Амперметр — асбобест барои чен кардани қувваи ҷараён дар занҷири электрикӣ.

Амперметр
Схемаи фаъолсозии амперметр

Вобаста ба доираи қиматҳои қувваи ҷараён шкалаи амперметрро ба килоампер (kA), миллиампер (mA) ва микроампер (µA) тақсим мекунанд. Амперметрҳои худнавис низ мавҷуданд (ниг. Асбоби ченкунандаи худнавис). Амперметр дар занҷири электрикӣ пай дар пай пайваст карда мешавад; барои васеъ шудани ҳадди ченкунӣ амперметрро бо шунт ё ба воситаи трансформатор мепайванданд. Аз таъсири қувваи ҷараён ақрабаки асбоб ба ин ё он кунҷ майл мекунад. Мувофиқи принсипи кор амперметрҳои системаи магнитоэлектрикӣ, электромагнитӣ, электродинамикӣ, ферродинамикӣ, ҳароратӣ ва ғ. мавҷуданд.

ЭзоҳВироиш

СарчашмаВироиш