Сарредаксияи илмии Энсиклопедияи Миллии Тоҷик: Тафовут байни таҳрирҳо

'''Сарредаксияи илмии Энсиклопедияи Миллии Тоҷик''' (хиёбони Неъмат Каробоев, 17, [[Душанбе]], [[Тоҷикистон]]) — [[Муассиса|муассисаимуассиса]]и илмию нашриявии [[Вазорати фарҳанги Ҷумҳурии Тоҷикистон]].

То соли 1991 Сарредаксияи илмии Энсиклопедияи Советии Тоҷик. Дар назди Президиуми Академияи илмҳои [[ҶШС Тоҷикистон]] соли 1968 таъсис ёфта, ба таркиби Кумитаи давлатии ҶШС Тоҷикистон оид ба корҳои нашриёт, полиграфия ва савдои китоб дохил карда шуд (соли 1974). Самтҳои асосии фаъолияти сарредаксияи илмӣ аз омода сохтан, таҳрир ва интишори энсиклопедияҳои умумӣ, соҳавӣ, фарҳангҳои тафсирӣ, луғатҳо, маълумотномаҳои энсиклопедӣ ва ғайра иборат аст.

Дар тӯли фаъолияти худ сарредаксияи илмӣ асарҳои зиёдеро, аз қабили [[Энсиклопедияи советии тоҷик|Энсиклопедияи Советии Тоҷик]] (ЭСТ; дар 8 ҷилд, 1978–88), энсиклопедияи «Таджикская ССР» (1974, 1984). [[Энсиклопедияи адабиёт ва санъати тоҷик|«Энсиклопедияи адабиёт ва санъати тоҷик»]] (дар 3 ҷилд, 1988, 1989, 2004), [[Энсиклопедияи хоҷагии қишлоқи Тоҷикистон|«Энсиклопедияи хоҷагии қишлоқи Тоҷикистон»]] (дар 2 ҷилд, 1989, 1991), энсиклопедияи «Хуҷанд» (1999, ба забони русӣ), энсиклопедияи «Душанбе» (2004, ба забони русӣ), «Энсиклопедияи мухтасари рӯзгордорӣ» (1988), маълумотномаи энсиклопедии «Револютсияи Кабири Сотсиалистии Октябр» (1987), «Ленинномаи тоҷик» (1990, ба забони русӣ), «Ҳазору як корнома» (маълумотномаи энсиклопедӣ оид ба ширкатдорони Ҷанги Бузурги Ватанӣ аз Тоҷикистон; 3 ҷилдаш ба табъ расидааст), «Энсиклопедия персидско-таджикской прозы» (1986), «Фарҳанги тиббӣ» (дар 5 ҷилд), «ал-Қонун»-и Абуалӣ ибни Сино (бори аввал ба забони тоҷикӣ, дар 5 китоб), «Китоби хотира» (2005, дар бораи шаҳидони Ҷанги Бузурги Ватанӣ аз собиқ вилояти Сталинобод), [[Энсиклопедияи Миллии Тоҷик|«Энсиклопедияи Миллии Тоҷик»]] (4 ҷилд, 2011, 2013, 2014, 2016), «Донишномаи мухтасари кӯдакон ва наврасон» (2013) ва ғайра интишор кардааст.

* {{ЭМТ||1}}