Боғчасарой: Тафовут байни таҳрирҳо

'''Боғчасарой''', шаҳр, маркази ноҳ. Боғчасаройи вил. Қрими Ҷумҳурии Украина. Истгоҳи р. о. ва шоҳроҳи автомобилгард (Симферопол – Севастопол) дорад. Аҳолиаш 28  ҳазор нафар (2011). Б. дар авв. а. 16  бунёд гардидааст. То ба империяи Россия ҳамроҳ шудан (1783) пойтахти хонигарии Қрим буд. Соли 1519 маҷмааи Қасри хон (Хонсарой) сохта шуд. Ин қаср баъди сӯхтор дар а. 18 аз нав барқарор ва тармим гардид. Дар бунёд ва ороиши он дар авв. а. 16 меъмори итолиёӣ Алевиз Фрязини Нав ширкат ва роҳбарӣ кардааст. Ба ин маҷмаа «Фаввораи тиллоӣ» (1737), «Фаввораи ашк» (1764; бо роҳбарии меъмори форс Умар) дохил мешавад, ки онро шоири рус А. С. Пушкин (шеъри «Фаввораи Боғчасарой») ва шоири полшагӣ А. Мискевич дар шеъри худ васф кардаанд. Қасри хон то имрӯз яке аз ёдгориҳои таърихӣ ба ҳисоб рафта, таваҷҷуҳи сайёҳони хориҷиро ба худ ҷалб кардааст. Соҳаи сайёҳӣ дар иқтисодиёти Б. нақши муҳим дорад. Дар Б. комб. «Стройиндустрия», з-дҳои шаробпазӣ, шарбати мева, шир, нон ва соҳаи анҷибарпарварӣ  фаъолият доранд. Дар наздикии Б., дар шаҳраки Научный (Илмӣ) расадхонаи ахтаршиносӣ ва физикаи Қрим воқеъ аст.▼