Миралӣ Достиев: Тафовут байни таҳрирҳо

Миралӣ Достиев сарояндаи шинохтаи операи тоҷик (садояш баритони лирикӣ), Ҳунарпешаи шоистаи Тоҷикистон (1997), Ҳунарпешаи халқии Тоҷикистон (2003). С. 1981 ДДСТ ба номи М. Турсунзодаро хатм намудааст. С.-ҳои 1981-2002 сарояндаи Театри давлатии академии опера ва балети ба номи С. Айнӣ. Аз с. 2002 директор ва сарояндаи ҳамин театр. Д. маҳорати баланди касбӣ ва овози форами дилнишин дорад. Дар операҳои композиторони тоҷик ва классикии ҷаҳонӣ зиёда аз 30 нақш, аз ҷумла Мируло (Ҷ. Вердӣ «Риголетто»), Маркиз д'Обри (Ҷ. Верди «Травиата»), Онегин (П. Чайковский «Евгений Онегин»), Елетский (П. Чайковский «Модкаи қарамашоқ»), Фигаро (Ҷ. Россини «Сартароши севилӣ»), Дон Жуан (В. Мотсарт «Дон Жуан»), Валентин (Ш. Гуно «Фауст»), Наср (Ш. Сайфиддинов «Рӯдакӣ»), Кумар (Т. Шаҳидӣ «Посбони оташ»), Исмоил («Т. Шаҳидӣ «Амир Исмоил»), Рустам (Т. Сатторов «Рустам ва Суҳроб»); дар опера-балети Т. Сатторов («Фарёди дуриҳо»), нақши Восеъро офаридааст. Д. лауреати якчанд озмунҳои байналмилалии овозхонони касбӣ мебошад. Ӯ дорандаи Ҷоизаи давлатии ба номи Абуабдуллоҳ Рӯдакӣ буда, ба кишварҳои гуногуни дунё сафарҳои ҳунарӣ намудааст.<ref> [[Ҷӯрахон Обидпур| Обидпур Ҷ.]] Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С.134. – 480 с. ISBN 978-999-47-43-90-2{{ref-tg}}</ref>

[[Гурӯҳ:ҲунарпешаиҲунарпешагони мардумии Тоҷикистон]]