Абдулло Раҳимбоев: Тафовут байни таҳрирҳо

'''Абдулло Раҳимбоев''' ([[1896]] - [[1938]])– ходими ҳизбию давлатӣ, муборизаи пойдор намудани Ҳокимияти Шуравӣ дар [[Осиёи Миёна]]. Дар шаҳри [[Хуҷанд]] дар оилаи тоҷир таваллуд шудааст. Аввал дар мактаби динӣ, сипас солҳои [[1908]]-[[1917]] дар мактаби русии маҳаллии Хуҷанд, омӯзишгоҳи олии Самарқанд, семинарияи омӯзгории Тошканд таҳсил карда, муддате чанд дар зодгоҳаш муаллимӣ карда, сипас ба ҳаракати инқилобӣ ҳамроҳ мешавад. Яке аз таъсисдиҳандагону роҳбарони Шӯрои коргарони мусулмони Хуҷанд буд. Солҳои 1919-1920 вазифаи котиби кумитаи ҳизбии уезди Хуҷанд, раиси кумитаи ҳизбии вилояти Самарқандро ба ӯҳда дошт. Солҳои [[1920]]-[[1923]] раиси КИМ-и ҶШС Туркистон, котиби КМ ҲК Туркистон, узви коллегияи комиссариати халқи оид ба корҳои миллатҳои ҶШФСР, [[1923]]-[[1924]] котиби якуми КМ ҲК [[Бухоро]], котиби дуюми КМ ҲК Туркистон буд. Аз соли [[1925]] то соли [[1927]] дар курсҳои маркисизми назди Академияи коммунистӣ таҳсил намуда, солҳои 1928-1933 раиси правления Нашриёти марказии халқҳои ИҶШС, аъзои коллегия ва раиси комитети ақаллиятҳои миллии Комиссариати халқии маорифи ҶШФСР ва солҳои 1933-1937 раиси Шӯрои комиссариони халқи ҶШС Тоҷикистон, дар айни замон яке аз раисони КИМ – и ИҶШС буд. Вакили анҷуманҳои X-XIV ва XVII –уми ВКП (б) бисёр конференсияҳои ҳизбии умумииттифоқӣ буд. Дар анҷумани XI ва XIII –уми ҳизб номзад ба аъзогии КМ РКП (б) дар анҷумани XII-уми ҳизб аъзои Бюрои Осиёмиёнагӣ КМ ВКП (б), аъзои Бюрои КМ ПК (б) Тоҷикистон буд.