Абдулмалики I: Тафовут байни таҳрирҳо

[[Абдумалики I ибни Нӯҳ]] ([[954]]-[[961]]) замоне, ки амири [[Сомониён]] шуд, ҳамагӣ даҳсола буд. Ў аз падар кишвари ошуфтаву бесомонро ба мерос гирифт. Вазъияти ноороми кишварро дида, дар гўшаву канор мулкҳои зиёде даъвои истиқлол карданд. Гузашта аз ин, ин вазъ аъёни дарборро низ густох карда, қудрати амирони сомониро дар чашмашон ночиз ҷилва медод.

Абдумалики I бо халифаи аббосӣ муносибати хубро ба роҳ монда, пас аз солҳои тўлонӣ хутбаро бо номи халифа Мутеъ хонд. Ҳамчунон ин амири сомонӣ барои поён бахшидан ба низои даҳсолаи Сомониёну Бувайҳиён соли [[955]] қарордоди сулҳ имзо кард, вале ин қарордод ба фоидаи [[Сомониён]] набуд. Марги Абўалии Чағонӣ (соли [[955]]) ҳам фурсате дигар барои қомат рост кардани Сомониён фароҳам овард. Қудрати саркардаҳои ҳарбии турк аз ҷумла Алптегин ба ҳадде расид, ки дар давоми панҷ сол чор вазирро барканор сохт.