Муҳаммад Ғоиб: Тафовут байни таҳрирҳо

Соли 1954 таваллуд шуда, соли 1977 факултети физикаю метематикаи Донишкадаи омӯзгории шаҳри Кӯлобро хатм кардааст. Муҳаммад Ғоиб баъди хатми донишкада соли 1977 ба ҳайси мухбири Кумитаи телевизион ва радио дар минтақаи Кӯлоб ба фаъолият шурӯъ карда, аз соли 1987 то соли 1990 мухбири ҳафтаномаи «[[Адабиёт ва санъат]]» дар ин минтақа буд. Номбурда аз соли 1990 то соли 1995 раиси Кумитаи давлатии телевизион ва радиои собиқ [[вилояти Кӯлоб]], аз соли 1995 то соли 1997 роҳбари қароргоҳи ҳукуматии вилояти Хатлон дар минтақаи Кӯлоб, аз соли 1997 то соли 2000 –ум раиси Кумитаи телевизион ва радиои [[вилояти Хатлон]], аз соли 2000 –ум то соли 2004 муовини Раиси Кумитаи телевизион ва радиои назди Ҳукумати Ҷумҳурии Тоҷикитон, аз соли 2004 то соли 2008 –ум директори Киностудияи «[[Тоҷикфилм]]» аз соли 2008 то имрӯз директори Шабакаи якуми телевизиони Тоҷикистон мебошад. Муҳаммад Ғоиб соли 1981 узви Иттфоқи нависандагони ИҶШС гардид ва соли 1999 аз ҷониби Президенти Ҷумҳурии Тоҷикистон бо ордени «Шараф» сарфароз гардонида шуд. Номбурда соли 2001 –ум соҳиби унвони «Шоири халқии Тоҷикистон» ва соли 2008-ум соҳиби ҷоизаи давлатии ба номи Рӯдакӣ гардид. Муҳаммад Ғоиб муаллифи зиёда аз 35 асар, аз ҷумла «Турнаҳо», «Роҳи деҳа», «Фарёди ёдҳо», «Меҳри гиёҳ», «Хоки ватан», «Гавҳари меҳр», «Нури дида», «Боми сипеҳр», «Гумгаштапайдо», «Роҳи каҳкашон», «Пойгаҳ», «Ватани Наврӯз», «Фархундапай», «Шоҳи Ҳамадон », «Сад ғазал», «Поси ошноӣ», «Парчами нанг», «Девон» «Каъбаи дил», «Подарок» (бо забони русӣ) ва ғайра мебошад. Ҳамчунин якчанд очерку новеллаҳои телевизионӣ ба қалами ӯ тааллуқ доранд. Муҳаммад Ғоиб оиладор буда, соҳиби 3 фарзанд мебошад. Шиораш дар зиндагӣ «Мубориз будан, ҷустуҷӯ кардан ва таслим нашудан» аст. ▼