Насри I: Тафовут байни таҳрирҳо

'''Наср ибни Аҳмад''' (солҳои 864-892) - набераи [[Асад ибни Сомон]], фарзанди [[Аҳмад ибни Асад]]. Ҳокими вилояти [[Самарқанд]] ва амири [[Мовароуннаҳр]] дар солҳои 864-892.

Ҳанӯз дар аҳди Насри I Сомонӣ, бародараш Исмоил ибни Аҳмад саъю кӯшиш намуд, ки дар [[Бухоро]] ҳокими мутлақ гардад. Дар натиҷа байни Насри I ва Исмоил зиддият ба амал омада, он бо задухурди ҳарбӣ анҷом ёфт. Ҳарчанд Наср сарвари хонадони Сомонӣ буд, вале рӯз аз рӯз обрӯву эътибори Исмоил боло мерафт. Иғвогарон ин зиддиятро бештар намуда, миёни ду бародар тарҳи душманӣ меафканданд. Сабаби сарзадани моҷаро сарпечии Исмоил аз пардохтани хироҷи Бухоро ба Наср – сарвари [[Хонадони Сомониён]] буд. Оқибат миёни бародарон Наср ва Исмоил соли [[888]] задухӯрди мусаллаҳона сурат гирифта, бо пирӯзии Исмоил ба анҷом расид, вале Исмоил ба бародари асирафтодааш чун пешвои хонадон муроҷиат карда, миёни мардум низ маҳбубияти бештаре касб кард.<ref>Ҳотамов Н.Б., Довуди Д., Муллоҷонов С., Исоматов М. Таърихи халқи тоҷик (Китоби дарсӣ). – Душанбе,2011, – с. 101.</ref>