Нимҷазираи Балкан: Тафовут байни таҳрирҳо

'''Нимҷазираи Балкáн''' ({{Lang-hr|Balkanski poluotok}}, {{Lang-bs|Balkansko poluostrvo}}, {{lang-el|Βαλκανική χερσόνησος}}, {{Lang-tr|Balkan Yarımadası}}, {{Lang-it|Penisola Balcanica}}, {{Забон-ла|Paeninsula Balcanica}}) — воқеъ дар ҷанубу шарқи [[Аврупо]]. Масоҳат — тақрибан 505 ҳазор км².

Шаҳрҳои бузургаш – [[София]], [[Загреб]], [[Скопе|Скопйе]], [[Белград]], [[Истанбул]], [[Афина]].

Соҳилҳои ғарбиаш бо баҳрҳои Адриатика, Ион, шарқиаш бо [[Баҳри Сиёҳ]], Баҳри Мармар, гулӯгоҳи Босфор ва Дарданелл, Баҳри Эгей ҳамсарҳад аст. Дар нимҷазираи Балкан Булғория, қисми зиёди Югославия, Албания, Юнон, Босния ва Ҳерсеговина, Македония, Черногория, Сербия, қисми ҷанубии Руминия, қисми ғарбии Туркия ва як қисми ноҳияи шимолу шарқии Итолиё ҷойгиранд. Дар атрофи Балкан ҷазираҳои бисёре ҳастанд, ки масоҳати умумиашон 21,5 ҳазор км²-ро ташкил медиҳад.

Иқлим дар марказ ва шимол континенталии муътадил, дар минтақаҳои дигараш баҳримиёназаминист. Ҳарорати миёнаи январ аз –1 то 11°С, дар кӯҳҳо то –5°С ва пасттар, июл дар шимол 22–23°С, дар ҷануб 25–27°С.

Миқдори боришоти солона дар фасли сармо 1000–1500 мм, дар навоҳии Халиҷи Котор то 5000 мм аст.

Дарёҳои калонаш: Мариса, Морава, Искир, Струма, Дунай ва Сава. Кӯлҳояш: Шкодер, Охрид, Преспа ва ғайра, асосан дар пастхамиҳои тектоникӣ ҷойгир буда, аз пиряхҳо ҳосил мешаванд. Дар кӯҳҳои Рила кӯлҳои аз пиряхҳо ҳосилшаванда бисёранд. Чашмаҳои маъдании гарму хунук зиёд вомехӯранд.

Хокаш асосан ҷигаррангу карбонатӣ. Дар мавзеи Баҳри Миёназамин олами набототи Балкан ғанитарин буда, қариб 6,5 ҳазор навъи рустаниро дар бар мегирад. Аз ҳайвонот оҳу, рӯбоҳ, гурба, гуроз, хирс, шағол, гавазн, сагобӣ, аз хазандаҳо калтакалос, мор, сангпушти юнонӣ, аз обхокиҳо тритон, қурбоқа, инчунин моллюскҳо вомехӯранд. Навъу ҷинсҳои камшудаи набототу ҳайвонот дар мамнӯъгоҳҳо ҳифз мешаванд. Ландшафти Балкан аз фаъолияти инсон хеле тағйир ёфтааст.

Бештар ҷуворимакка, гандум, тамоку кишт мекунанд. Боғу токпарварӣ низ тараққӣ кардааст. Дар ҷануб ситрусиҳо, зайтун, анор парвариш мекунанд.

Балкан маркази бузурги туризми байналмилалӣ мебошад.

Табобатгоҳҳои машҳураш дар соҳилҳои Баҳри Адриатика, дар Юнон ва Булғория ҷойгиранд.<br>

* [https://ru.wikisource.org/wiki/ВЭ/ВТ/Балканы Балканы]&nbsp;//&#x20; Военная энциклопедия&nbsp;: [в 18 т.]&nbsp;/ под ред. В. Ф. Новицкого [и др.].&nbsp;— СПб.&nbsp;; [М.]&nbsp;: Тип. т-ва И. В. Сытина, 1911—1915.