Носирҷон Маъсумӣ: Тафовут байни таҳрирҳо

Носирҷон Маъсумӣ дар деҳаи Қаратоғи ноҳияи Регар (ҳоло – [[ноҳияи Турсунзода]]) ба дунё омадааст. Пас аз хатми мактаби ҳафтсолаи деҳаи Бахшитеппаи ноҳияи Самарқанд ([[1936]]) муаллими забон ва адабиёти тоҷикии Техникуми педагогии Панҷакент (1930-1936). Сипас дар факултети забон ва адабиёти [[Донишгоҳи давлатии омӯзгории Тоҷикистон ба номи Садриддин Айнӣ|Донишкадаи давлатии омӯзгории ш. Душанбе ба номи Т. Г. Шевченко]] таҳсил кардааст (1936-1940). Муаллим, мудири кафедраи забон тоҷикӣ (1940-1948), мудири кафедраи адабиёти тоҷикӣ (1948-1953), проректори корҳои илмӣ (1953-1956)[[Донишгоҳи давлатии омӯзгории Тоҷикистон ба номи Садриддин Айнӣ|Донишкадаи давлатии омӯзгории ш. Душанбе ба номи Т. Г. Шевченко]], муаллим ва мудири кафедраи забон ва адабиёти Мактаби партиявии назди КМ ҲК Тоҷикистон (1956-1959), директори Институти забон ва адабиёти ба номи Рӯдакии [[Академияи илмҳои Тоҷикистон|АИ Тоҷикистон]] (1959-1970), академик - котиби Шӯъбаи илмҳои ҷамъиятии [[Академияи илмҳои Тоҷикистон]] (1971-1974). Ӯ ду даъват (6 ва 8) вакили Совети Олии ҶШС Тоҷикистон буд. Ҳамчун ходими ҷамъиятӣ ва илмӣ - Раиси шӯъбаи Тоҷикистонии Ҷамъияти дӯстӣ ва робитаҳои мадании [[СССР]] бо [[Афғонистон]], узви Шӯрои умумиитифоки оид ба масъалаҳои лексикология ва лексикография, узви ҳайати таҳририя ва муҳарир, мушовири «Краткая литературная энсиклопедия», узви ҳайати таҳририяи [[Энциклопедияи советии тоҷик]], маҷаллаи «Мактаби советӣ», ҷон. раиси Комитети терминологияи [[Академияи илмҳои Тоҷикистон|АИ Тоҷикистон]] , узви Правления, Президент ва раиси Комиссияи тафтишоти Иттифоқи нависандагони Тоҷикистон, Узви Иттифоқи нависандагони Тоҷикистон (аз с. [[1940]]) буд.

* «Фолклори тоҷик». – (Д., 1952),

* «Адабиёти тоҷик дар асри XVIII ва нимаи аввали асри XIX». – (Д., 1962),

* «Туғрал ва муҳити адабии ӯ». – (Д., [[1964]]),

* «Очерки таърихи адабиёти советии тоҷик». – (Д., [[1957]] (бо ҳамқаламии дигарон),

* «Таърихи адабиёти советии тоҷик. Инкишофи жанрҳо». – Д.,1970 (бо ҳамқаламии дигарон).

* «Дар бораи вазъият ва баъзе тағйиротҳо дар таркиби луғавии забони адабии тоҷик дар асрҳои X-XIX». – (Д., [[1951]]),

* «Забони адабии тоҷик дар ибтидои асри XX». ([[– Д.,1954]]),

* «Хислатҳои асосии инкишофи забони адабии тоҷик дар охири асри XIX ва ибтидои асри XX». ([[– Д.,1955]]),

* «Муборизаи С. Айнӣ барои тозагӣ ва боигарии забони адабии тоҷик». – (Д., [[1970]] (бо ҳамқаламии дигарон) ва ғайра.

Ба номи ӯ мактаби миёнаи деҳаи Қаратоғи [[ноҳияи Турсунзода]] ва яке аз кӯчаҳои ш. [[Душанбе]] гузошта шудааст.<ref>Энсиклопелияи советии РСС Тоҷикистон. Ҷилди 4. – Душанбе, 1986, с.281</ref>