Левӣ Бобохонов
Левӣ Бобохонов (маъруф ба Левича, Леви Бобохон; 1873, Бухоро – 1926, Самарқанд) — мақомхон, мутриб ва мусаннифи машҳури яҳудитабор.
| Леви Бобохон | |
| Таърихи таваллуд | 1873 |
| Зодгоҳ | Бухоро |
| Таърихи даргузашт | 1926 |
| Маҳалли даргузашт | Самарқанд |
| Пеша(ҳо) | мақомхон, мутриб |
Зиндагинома вироиш
Санъати мақомхонию мутрибиро аз мусиқидонони машҳур Борухи Калхоти Самарқандӣ, Бобоҷалол Носирзода, Ҳоҷихони Чорҷӯйӣ омӯхтааст. Муддате мутриби дарбори амири Бухоро – Абулаҳадхон буд. Ба сабаби хусумати амир ва дарбориён ба Самарқанд фирор карда, то охири умр дар он ҷо зиндагӣ кардааст. Левӣ Бобохонов овози баланду форам дошт, мақомҳоро бо услуби хос мехонд, танбӯрро ҳам хеле таъсирбахш менавохт. Соли 1909 кормандони студияи «Рига – граммофон» якчанд сурудро дар иҷрои Левӣ Бобохонов дар қарта сабт кардаанд, ки дар байни онҳо «Қашқарчаи Сарвиноз», «Муғулчаи Бузург», «Насри Ушшоқ», «Талқини Уззол», «Талқини Ушшоқ», «Уфари Муғулчаи Сегоҳ» буданд. Левӣ Бобохонов солҳои 20 садаи XX дар Мактаби мусиқии Бухоро дарс медод ва ҳамзамон консерт намоиш медод. Соли 1923 ба Самарқанд кӯчид. Ӯ дар клубу чойхонаҳо ҳунарнамоӣ мекард, дар маҳфилҳои мусиқӣ ба ҷавонон тарзу услули иҷрои «Шашмақом» ва санъати мақомхониро ёд медод.
Эзоҳ вироиш
Адабиёт вироиш
- Алибаева К., Ахмедов М. Народные музыкаты Узбекистана. Ташкент, 1952;
- Таджикская музыка. Д., 2003; Донишномаи Шашмақом. Д., 2009.
Сарчашма вироиш
- Бобохонов Левӣ / З. Тоҷикова // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.