Усмонали УсмоновВазири энергетика ва захираҳои оби Ҷумҳурии Тоҷикистон

Усмонали Усмонов
Усмонали Юнусалиевич Усмонов
Таърихи таваллуд: 13 сентябр 1959(1959-09-13) (64 сол)
Зодгоҳ: Ваҳдат, ҶШС Тоҷикистон, ИҶШС
Таҳсилот:
Навъи фаъолият: Вазири энергетика ва захираҳои оби Ҷумҳурии Тоҷикистон

Усмонали Юнусалиевич Усмонов 13 сентябри соли 1959 дар шаҳри Ваҳдат таваллуд шудааст. Маълумоташ олӣ, соли 1982 Донишгоҳи техникии Тоҷикистонро бо ихтисоси муҳандис-барқчӣ ва соли 1988 Аспирантураи Донишкадаи энергетикии шаҳри Москваро хатм кардааст. Номзади илмҳои техникӣ.

Фаъолияти кориашро соли 1983 ба ҳайси муҳандиси кафедраи «Автоматика ва мошинҳои ҳисоббарор»-ии Донишгоҳи техникии Тоҷикистон шурӯъ намуда, баъди хатми Аспирантура, дар давоми солҳои 1989- 1996 дар вазифаҳои ассистент, муаллими калон, дотсенти кафедра, муовини декани факултаи энергетикии Донишгоҳи техникии Тоҷикистон кор кардааст. Солҳои 1997-2001 дар мансаби директори назорати давлатии барқи ноҳияҳои тобеъи ҷумҳурӣ, муовини директори генералии назорати давлатии барқи Ҷумҳурии Тоҷикистон, солҳои 2001-2003 сардори департаменти сиёсати энергетикии Вазорати энергетикаи Ҷумҳурии Тоҷикистон ва аз соли 2003 муовини директори Муассисаи давлатии «Маркази идораи лоиҳаҳои бахши электроэнергетика» фаъолият доштааст.

Аз моҳи сентябри соли 2009 дар мансаби Директори иҷроияи Муассисаи давлатии «Маркази идораи лоиҳаҳои бахши электроэнергетика» кор мекунад.

Бо ордени «Шараф» дараҷаи II сарфароз гардидааст.

Оиладор, соҳиби 2 фарзанд.

Бо Фармони Президенти Ҷумҳурии Тоҷикистон аз 21 ноябри соли 2013 Вазири энергетика ва захираҳои оби Ҷумҳурии Тоҷикистон таъйин гардид.

Пайвандҳо вироиш