Қурбон Ҳакимов (тав. 01.01.1945, деҳаи Сангмилаи ноҳияи Ҳисор), физик, номзади илмҳои физика ва математика (1988), дотсент (1990).

Қурбон Ҳакимов
Қурбон Ҳакимов
Таърихи таваллуд 1 январ 1945(1945-01-01) (79 сол)
Зодгоҳ ноҳияи Ҳисор, ҶШС Тоҷикистон, ИҶШС
Маҳалли даргузашт Душанбе, Тоҷикистон
Кишвар  Тоҷикистон
Фазои илмӣ физика
Ҷойҳои кор Донишгоҳи давлатии омӯзгории Тоҷикистон ба номи Садриддин Айнӣ
Дараҷаи илмӣ: номзади илмҳои физика ва математика
Унвонҳои илмӣ дотсент
Алма-матер Донишкадаи давлатии омӯзгории ш. Душанбе ба номи Т. Г. Шевченко

Зиндагинома вироиш

Солҳои 1963–1968 дар факултети физика-математикаи Донишкадаи давлатии омӯзгории ш. Душанбе ба номи Т.Г. Шевченко таҳсил намудааст. Солҳои 1968–1972 ассистенти кафедраи физикаи умумии донишкадаи номбурда, 1972–1975 аспиранти Донишгоҳи давлатии Озарбойҷон, 1976–1980 ассистент, 1980–1988 муаллими калони кафедраи физикаи умумӣ ва назариявӣ, 1988–1990 муаллими калон ва дотсенти кафедраи физикаи умумӣ, 1990–1998 дотсенти кафедраи физикаи эксперементалии Донишгоҳи давлатии омӯзгории Тоҷикистон ба номи Қ. Ҷӯраев буд. Ҳамзамон солҳои 1982–1986 ҳамчун муовини декани факултети математикаи донишкадаи омӯзгорӣ оид ба корҳои тарбиявӣ кор кардааст. Оид ба таъсири муҳити беруна ва хосиятҳои физикию механикии пайвастагиҳои нимноқилҳои Cu2S S Cu2Se кори илмӣ бурда, зиёда аз 30 номгӯи корҳои илмӣ ва илмию методӣ ба нашр расонидааст.