Даҳонгирдон
Даҳонгирдон, гирддаҳонҳо (лот. Cyclostomata) — ҷонварони обии муҳрадори дараҷаи паст.
| Даҳонгирдон | ||||||||||
|---|---|---|---|---|---|---|---|---|---|---|
 | ||||||||||
| Табақабандии илмӣ | ||||||||||
|
ХАТО: шаблони орояшинохтӣ нест, который должен описывать систематическое положение таксона Agnatha.
|
||||||||||
| Номи байнулмилалии илмӣ | ||||||||||
| Cyclostomata Busk, 1852 | ||||||||||
| Таксонҳои хоҳар | ||||||||||
|
||||||||||
| ||||||||||
Пештар ба яке аз синфҳои беҷоғҳо мансуб дониста мешуданд. Аз нигоҳи таҳаввулот пешгузаштагони моҳиҳо мебошанд. Ҷисмашон моршакл (дарозиаш 40 см), пӯсташон ғафс (ҳуҷайраҳои сершумори луоббарор дорад). Даҳонгирдон бидуни скелети берунӣ буда, хордаашон тамоми умр боқӣ мемонад. Скелети даруниашон аз ғузруф (тағояк) иборат аст. Болҳои шиноварии ҷуфт надоранд. Ғалсамаашон андаруни парда ҷой гирифта, халташакл аст. Даҳонашон қифшакл, бо тағояки гирда устувор дошта мешавад (номашон ҳам аз ҳамин ҷост). Мағзи сарашон мисли мағзи сари моҳиҳо хурд буда, бо ҷумҷумаи иборат аз ғузруфу пӯст фаро гирифта шудааст. Узви шоммаи даҳонгирдон ҳафт сӯрох дорад, ки дар байни ҳар ду чашм воқеъ гаштааст. Даҳонгирдон тез шино мекунанд. Даҳонгирдон ба ҷисми моҳиҳо «часпида» бо ёрии онҳо ҳаракат менамоянд. Ғизои даҳонгирдон кирм, ҳашарот ва тухми моҳиҳо мебошанд. Даҳонгирдон ду зерсинф – миногаҳо (Petromyzones) ва миксинаҳо (Myxini) доранд. Баъзе даҳонгирдон (мас., миногаҳо)-ро шикор мекунанд.
Эзоҳ вироиш
Адабиёт вироиш
- Васильева Е. Д. Жизнь животных. Рыбы//Энциклопедия. Природа России. М., 1999;
- Горкин А. П. Биология. Современная иллюстрированная энциклопедия. М., 2006.
Сарчашма вироиш
- Гирддаҳонҳо // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.