Мақомоти қонунгузорӣ

Мақомоти қонунгузорӣ — мувофиқи Конститутсия дар Тоҷикистон халқ соҳибихтиёрии худро ба воситаи вакилони халқ амалӣ мегардонад. Ҳокимияти қонунгузор хислати намояндагӣ дорад ва ҳайати он аз вакилони халқ иборат мебошад. Мувофиқи моддаи 48 Конститутсияи Тоҷикистон Маҷлиси Олӣ - парламенти Ҷумҳурии Тоҷикистои - мақоми олии намояндагӣ ва қонунгузори ҶТ мебошад. Маҷлиси Олӣ аз ду маҷлис — Маҷлиси миллӣ ва Маҷлиси намояндагон иборат аст. Маҷлиси Олӣ ҳамчун мақомоти махсусгардонидашудаи ҳокимияти қонунгузорӣ таркиби мураккаб дорад, ки он барои ба амал баровардани салоҳияти қонунгузорӣ мувофиқ гардонида шудааст.

Нигаред

• Маҷлиси Олӣ
• Маҷлиси намояндагони Маҷлиси Олии Ҷумҳурии Тоҷикистон
• Вакили халқ