Рессора

Рессо́ра (фр. ressort — чандирӣ) — ҷиҳози чандире дар мошинҳои боркашон, ки таконҳои аз ноҳамвориҳои роҳ пайдошударо фурӯ менишонад ва таъсири борро ба узвҳои гашт (ғилдирак, тасмачарх ва ғайра) мегузаронад.

Рессораҳои варақаи нимбайзаӣ

Навъҳои рессора

Рессораҳои металлӣ, гидравликӣ ва пневматикӣ мавҷуданд.

Рессораҳои филлизӣ

Рессораҳои металлӣ маъмултаранд ва дар навбати худ ба рессораҳои варақа, торсионӣ ва пружинӣ ҷудо мешаванд. Рессораи варақа аз дастаи варақаҳои пӯлодии обутобёфтаи дарозиашон гуногун иборат аст, ки ҳангоми таъсири бор чун болори чандир хам мешаванд. Рессораи пружинӣ аз як ё чанд пружинаҳои винтии дарун ба дарун ё болоиҳам сохта шудааст.

Рессораи торсионӣ аз милаи пӯлодии чандири дароз иборат буда, асосан ба чархҳои пе-ши автомобил гузошта мешавад. Аксаран рессораҳои муштарак (варақа ва пружинӣ)-ро ба кор мебаранд.

Рессораҳои гидравликӣ

Дар рессораҳои гидравликӣ моеъ аз комаи як силиндр ба қомаи силиндри дигар тавассути сӯрохҳои калибронидашуда мегузарад.

Рессораҳои пневматикӣ

Дар рессораҳои пневматикӣ бошад, хусусиятҳои чандирии газ ё ҳаво истифода мешавад.

Сарчашма

• Энциклопедияи Советии Тоҷик : [дар 8 ҷ.] / сармуҳаррир А. С. Сайфуллоев. — Д. : СИЭСТ, 1978—1988.