Асосу-л-балоғат
«Асосу-л-балоғат» (ар. أساس البلاغة) — луғати тафсирии забони арабӣ, ки онро имом Ҷоруллоҳ Абулқосим Маҳмуд ибни Умар аз-Замахшарӣ таҳия намудааст.
| Жанр | фарҳанги луғат |
|---|---|
| Нависанда | Маҳмуд Замахшарӣ |
| Забони навиштаҷот ё осор/асар | арабӣ |
Муаллиф дар «Асосу-л-балоғат» мақсад гузоштааст, ки маъноҳои ҳақиқии луғавӣ ва маҷозиро аз ҳам ҷудо кунад ва кинояҳову тасреҳоти забониро муайян созад. «Асосу-л-балоғат» дар боби худ бесобиқа аст. Он ҳамчун асоси балоғату баён ва марҷаи муҳимми дарки каломи бадеъ дар забони арабӣ маҳсуб мешавад. «Асосу-л-балоғат» дар як муҷаллад ва аз 28 китоб (боб) иборат буда, калимаву ибороти тафсиршаванда дар он ба тартиби алифбоии дақиқ оварда шудаанд.
Эзоҳ вироиш
Адабиёт вироиш
- Асосу-л-балоғат / С. Шаҳобуддинов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.
- جارالله ابوالقاسم محمود بن عمر الزمخشری. أساس البلاغة. بیروت، ۱۹۸۲