Баҳромбеки Табрезӣ

Баҳромбеки Табрезӣ фарзанди Нақдибек (форсӣ: بهرام بيک تبريزی‎; с. тав. ва ваф. номаълум) — хаттот ва хушнависи настаълиқ.

Баҳромбеки Табрезӣ

Зиндагинома

Дар Аббосободи Исфаҳон зиндагӣ мекард. Марди оромтабиат буд ва настаълиқро хуш менавишт. Дар баҳор ба китобат ва дар замистон ба пӯстиндӯзӣ машғул буд. Агарчи зиндагиро ба сахтӣ мегузаронд, миннати касе намекашид ва худ дар байте ин маъниро сурудааст:

Кист аз мо тангрӯзитар, ки доим ризқи мо
Ояд аз шаққи қалам, ё дидаи сӯзан бурун.

Дар шеър «Баёнӣ» тахаллус мекард. Ҳангоми таълифи «Тазкираи Насрободӣ» (ҳудуди с. 1678/79) дар қайди ҳаёт буд. Аз осори хаттотии ӯ чизе пайдо нашуд.

Адабиёт

• Баҳромбеки Табрезӣ / Н. Шарипов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.

• مهدی بيانی، احوال و اثار خوشنويسان، تهران، ۱۳۴۵