Бепарастории бачаҳо

Бепарастории бачаҳо — ба ҳоли худ гузоштани бачаҳо, назорати суст дар тарбияи онҳо, дур афтодан аз тарбияи волидайн ё шахсони мутасаддӣ ва дигар омилҳо. Бепарастории бачаҳо дар натиҷаи ҷанг, гуруснагӣ, муҳтоҷии падару модарон, дигар навоқиси ҷомеа рӯй медиҳад. Дар мамлакатҳои гуногуни дунё барои онҳо хонаҳои бачагон, коммунаҳо, колонияҳо ташкил карда мешаванд. Шаклҳои дигари мубориза бо бепарастории бачаҳо чун васигӣ, парасторӣ, сарпарастӣ низ вуҷуд доранд. Баъзе оилаҳо ва шахсони алоҳида бепарасторонро ба фарзандӣ қабул мекунанд. Дар Тоҷикистон бачагони аз падару модар маҳрумшуда ба мактаб-интернатҳо фаро гирифта мешаванд. Давлат ба чунин афрод ҳамаҷониба ёрӣ мерасонад.

Боз нигаред

• Беназоратӣ
• Бепаноҳӣ

Адабиёт

• Миньковский Г. М. Беспризорность. Педагогическая энциклопедия. Т.1.- М., 1964;
• Нечаева А. М. Детская беспризорность — опасное социальное явление // Государство и право, 2001. № 6. — С. 59.
• Луғати тафсирии истилоҳоти педагогика. — Д., 1988.

Сарчашма

• Бепарастории бачаҳо // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.