Бузурги Бадахшӣ

Мирзо Шамсуддин ибни Мир Ҷалолуддини Бадахшӣ, маъруф ба Бузурги Бадахшӣ (форсӣ: بزرگ بدخشی‎; ? — 1585) — шоири форс-тоҷики аҳли Бадахшон.

Бузурги Бадахшӣ

Зиндагинома

Таълими ибтидоиро дар назди падараш, ки аз шахсиятҳои маъруфи Бадахшон буд ва сипас дар назди уламои Файзободи Бадахшон гирифтааст. Дар Кобул аз суҳбати аҳли илму адаб баҳравар гардидааст. Дар манбаъҳои адабии марбути Бадахшон, мас., тазкираи «Баҳори Бадахшон», намунаҳои бисёре аз ашъораш сабт гардидаанд.

Байтҳои зерин намунае аз ашъори ӯянд:

Аз мотамиёни мубталои ватанам
В-аз ғамзадагони ганҷи байтулҳазанам.

Шукӯҳи ҳуснро кӯҳ аз гаронӣ барнамедорад,
Дар ин фикрам, ки чун дар хилвати оина ҷо кардӣ?

Адабиёт

• Бузурги Бадахшӣ / С. Ализода // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.

• شاه عبدالله بدخشی. ارمغان بدخشان. کابل، ۱۳۶۷ ه. ش .