Вазни хос

Вазни хос — нисбати вазни ҷисм P ба ҳаҷми ишғолкардаи он V, яъне бузургии γ = P/V (γ - В. х.) мебошад.

Вазни хос бо муодилаи γ = pq (p – зичии модда, q – шитоби афтиши озод) низ муайян карда мешавад. Бар хилофи зичӣ, Вазни хос тавсифи физикию кимиёии модда будан наметавонад, зеро он ба қимати (нишондиҳандаи) q – и ҷойи андозагирӣ вобаста аст. Вазни хосро бо Н/м3 (системаи байналмилалии воҳидҳо, СИ), дин/см3 (системаи воҳидҳои СГС), кгс/м3 (системаи воҳидҳои МКГСС) чен мекунанд.