Осиёи Миёна дар ҳайати давлати Ҳахоманишиҳо

Ба вуҷуд омадани давлати Ҳахоманишиҳо

Пайдоиши нахустин падидаҳои давлат дар Эрон ба асрҳои IX- VII пеш аз мелод таалуқдорад. Дар ин асрҳоаксари ноҳияҳои Эрони Ғарбӣ ба ҳайати давлатҳои Ошур ва Урарту дохил мешуд. Дар асрҳои VIII-VII қисмати муҳими хоки шимолу ғарби Эрон дар зери идораи давлати подшоҳии Монӣ муттаҳид гардид.

Дар миёнаи асри VI пеш аз мелод ба ҷои давлати Мидӣ давлати Ҳахоманишиҳо ба вуҷуд меояд. Бунёди давлати Ҳахоманишиҳоро подшоҳи тоифаҳои форс Куруши II гузошт, ки пештар чун вассал ба салтанати Мидӣ тобеъ буд. Ӯ дар натиҷаи муборизаҳои сахт ва дуру дароз нафақат аз тобеият халос шуд, балки дар соли 550 пеш аз мелод давлати Мидиро тамоман торумор намуда, ба зери итоати худ даровард. Вай дар баробари унвони подшоҳиФорс унвони подшоҳи Мидиро ҳам соҳиб шуд.