Театри опера ва балети Айнӣ: Тафовут байни таҳрирҳо

'''Театри давлатии академии опера ва балети ба номи С.Айнӣ''' соли [[1935]] дар асоси Қарори Комиссариати Халқии [[РСС Тоҷикистон]] ҳамчун Театри мусиқӣ ташкил ёфт. Соли [[1940]] дар асоси Фармони Президиуми Совети Олии Республика театр номбурда Театри давлатии опера ва балети Тоҷикистон номнавис мешавад. Соли [[1954]] театр бо Қарори Ҳукумати Ҷумҳури театрӣ ба номи устод С. Айнӣ номгузорӣ шуд. Соли [[1941]] бо ордени Ленин мукофотонида шудааст. Аввалин операи тоҷик соли 1939 «Шӯриши Восеъ» либретои М.Турсунзода ва А. Деҳотӣ,мусиқии бастакор Сергей Балансанян рӯи саҳна омад. Балети тоҷик соли [[1940]] бо номи «Ду гул» ба саҳна гузошта шуд, ки аз рӯи асари бастакор А.Ленский, либретои М.Рабиев ва А.Азимова ба саҳна гузошта шудааст. Соли [[1971]] барои муваффақиятҳои эҷодиаш ба театр унвони академӣ дода шуд.Жанри театр опера ва балет мебошад.

Дар пешрафти санъати опера ва балети тоҷик ҳунарпешагони маъруф; [[Лутфӣ Зоҳидова]], М.Қобилов, [[Аҳмад Бобоқулов]], [[Ҳанифа Мавлонова]], Ғ. Валаматзода, Лутфӣ Кабирова, Рафоел Толмасов, [[Музаффар Бурҳонов]], [[Бурҳон Мамадқулов]], [[Оят Сабзалиева]],[[Низом Ҳамробоев]], [[Сталина Азаматова]], [[Холаҳмад Маҷидов]], [[Шамсӣ Низомов]] ва дигарон ҳиссаи арзандае гузоштанд. Театр бо номи ситораи балети ҷаҳон Артискаи Халқии СССР, дорандаи ҷоизаҳои байналмилалӣ ва умумииттифоқӣ Малика Собирова ифтихор дорад.Ҳайати эҷодии театр дар тӯли фаъолияташ ба шаҳрҳои [[Москва]], Санк-Петербург, Киев, Вильюс, Новосибирск, Самара, Тошкент, Ёшкарола, Анқара , Кобул сафарҳои ҳунарӣ карда аст.Солҳои 70-ум ҳайати балети театр ба Покистон, Ҳиндустон, Непал, Филиппин, Индонезия ва дар Фестивали байналхалқии рақсии классикӣ дар шаҳри Куопиони Филанди ҳунарнамои кард.Насли навраси ҳунарпешаҳои камолёфтаи ҳозираи театр Акбар Мирраҷабов, Миралӣ Достиев, Сайфулло Юсупов, Содиқ Нуруллоев, Мария Назарова, Бахтиёр Давлатов, Александр Бахман анъанаҳои устодони театри худро идома дода истодаанд.