Виктор Баранов

Баранов Виктор Кириллович (11 июни 1901, деҳаи Шереметовкаи ноҳияи Сизрани вилояти Куйбишеви Русия – 26 июли 1970, Днепропетровск, Украина) — арбоби низомӣ, генерал-лейтенант (1945), Қаҳрамони Иттифоқи Советӣ (1945).

Виктор Баранов
Зодрӯз	11 июн 1901(1901-06-11)
Зодгоҳ	Syzransky District[d]
Таърихи даргузашт	26 июл 1970(1970-07-26) (69 сол)
Маҳали даргузашт	Днепр, ҶШС Украина[d], ИҶШС
Намуди қушун	cavalry[d]
Рутба	Лашкарсолор
Набард/ҷангҳо	Russian Civil War[d] Ҷанги Бузурги Ватанӣ
Парвандаҳо дар Викианбор

Зиндагинома

Хатмкардаи Академияи ҳарбии ба номи М. Фрунзе (1937). Яке аз муборизони фаъоли зидди босмачигарӣ дар Тоҷикистон мебошад. Солҳои 1930–1935 сардори мактаби полки савораи тоҷик буд, забони тоҷикиро хуб медонист. Солҳои ҶБВ (1941–45) дар вазифаҳои баланди роҳбарии Артиши Шӯравӣ хидмат карда, то дараҷаи командири корпус расидааст. Корпуси мазкур таҳти роҳбарии Виктор Баранов соли 1945, дар ҳайати Ҷабҳаи якуми Украина ҳангоми гузаштан аз д. Элба, корномаи бемисле нишон дода, барои фароҳам овардани шароити мусоиди ҳамла ба Берлин нақши муҳим бозидааст. Баъди пирӯзии ҶБВ дар вазифаҳои гуногуни низомию давлатӣ дар Украина кор кардааст.

Ордену ҷоизаҳо

Бо орденҳои Ленин, Суворов, медалҳои ҷангӣ сарфароз гардидааст.

Адабиёт

• Герой Советского Союза. Краткий биографический словарь. М., 1987.

Сарчашма

• Баранов Виктор Кириллович / Б. Аҳмадов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2017, ҷ. 2). — ISBN 978-99947-33-52-4.