Габрово

Га́брово (булғорӣ: Габрово) — шаҳр дар Булғория. Маркази маъмурии вилояти ҳамном, дар қисми марказии мамлакат, дар соҳили дарёи Янтра ва доманаи кӯҳҳои Стара-Планина ҷойгир аст. Аҳолиаш 59, 6 ҳазор нафар (2014).

Шаҳр
Габрово
булғорӣ: Габрово англ. Gabrovo
Парчам Нишон
42°51′ с. ш. 25°19′ в. д.
Кишвар	Булғория
Таърих ва ҷуғрофиё
Таъсис	1477
Масоҳат	233 817 000 м²
Баландии марказ	392 ± 1 м
Минтақаи замонӣ	DAZD[d]
Аҳолӣ
Аҳолӣ	▼51 398 тан (15 июн 2024)
Шиносаҳои ададӣ
Пешшумораи телефон	066
Нишонаи почта	5300
gabrovo.bg
Габрово
Парвандаҳо дар Викианбор

Таърих

Одамон дар Габрово асрҳои 4-5 м сокин шудаанд. Дар давраи авҷи шоҳигарии Булғориёни дувум (асрҳои 13-14) маркази ҳунари оҳангарӣ ва савдо буд. Баъди истиқрори ҳокимияти сулолаи Усмониҳо ба яке аз марказҳои муҳоҷират табдил ёфт. Аз соли 1878 дар ҳайати Булғория. Габрово яке аз қадимтарин, бузургтарин ва муҳимтарин марказҳои саноати сабук (корхонаҳои бофандагӣ, пӯст, чарму пойафзор), мошинасозӣ (дастгоҳҳои бофандагӣ ва филиззбурӣ, асбобҳои тиббии электронӣ) мебошад.

Ёдгориҳои меъморӣ: калисои Успенский, Бурҷи соатдор ва ғ. Осорхонаи мардумшиносӣ зери осмони кушод, театри драма ва театри лухтак дорад. Габрово-ро пойтахти ҳаҷву мутоибаи ҷаҳонӣ мешуморанд. Аз соли 1973 дар Габрово ҳар сол фестивали байналмилалии ҳаҷву зарофатгӯӣ ва карнавали кӯдакона баргузор мешавад.

Сарчашма

• Габрово // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.