Гараж

Гара́ж (фр. garage) — утоқ ё ҷоест барои нигоҳ доштан ва баъзан таъмир кардани худрав, мотосикл ва дигар воситаҳои нақлиёт. Онро баъзан дар дохили манзил (ба ҷойи таҳхона, ошёнаи якум), паҳлуи он ё алоҳида берун аз хона ё ҳавлӣ (ба хусус дар наздикии хонаҳои бисёрошёна) месозанд. Гараж аксар вақт аз хишт, чӯб, блокҳои сементӣ, филиз сохта мешавад. Ҳоло барои сарфа кардани истифодаи замин гаражҳои умумии бисёрқабата месозанд ва қароргоҳи алоҳидаи воситаҳои нақлиётро ба иҷора медиҳанд.

Сарчашма

• Гараж // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.