Гвадалквивир

Гвадалквиви́р (исп. Guadalquivir [gwɑðalkiˈβiɾ], аз ар. الوادي الكبير‎ Водиу-л-Кабир — дараи бузург, лот. Bætis) — аз ҷиҳати дарозӣ дуюмин (баъди Эбро) дарё дар ҷануби Испониё.

Гвадалквивир
• Координатаҳо	36°47′29″ с. ш. 6°21′24″ з. д.[[Гурӯҳ:Қуттии дарё: Викимаълумот: истифодабарии таркиб: координатаҳо|]]
Мавқеъ
Гвадалквивир дар Викианбор

Ҳавзаи дарёи Гвадалквивир

Дарозиаш 560 км, масоҳати ҳавзааш 57 ҳазор км². Саробаш дар кӯҳҳои Андалус. Аз пастии Андалус ҷорӣ шуда, ба халиҷи Кадис дар уқёнуси Атлантик мерезад. Поинтар аз ш. Кория-дел- Рио ба се шохоби бузург ҷудо шуда, пеш аз резиш ба халиҷ боз ба як маҷро табдил меёбад. Бараш дар маҷрои мобайнӣ 150—200 м. Манбааш борон, давраи обхезиаш феврал — март. Сарфи миёнаи об 164 м3/с. То ш. Кордова киштигард аст. Шохобҳои калонаш: аз чап — Гидианаи Хурд, Хенил; аз рост — Гвадалимар, Уэлва. Дар ҳавзаи Гвадалквивир НБО воқеъ аст, барои обёрӣ истифода мешавад. Дар наздикии резишгоҳ Боғи миллии Доняна воқеъ гардидааст. Дар соҳилҳои Гвадалквивир шаҳрҳои Қуртуба, Севиля, Санлукар-де-Баррамеда ҷойгиранд.

Сарчашма

• Гвадалквивир // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.