Глитсин

Глитсин (асиди аминоатсетат, гликокол) — аминокислотаи содатарини алифатӣ бо формулаи C₂H₅NO₂; кристаллҳои беранг, ҳарорати гудозишаш 232—236°С (бо таҷзия); зиччиаш 1,595 г/см3 (15°С). Дар 100 мл об дар ҳарорати 25°С тақрибан 25 грамм глитсин ҳал мешавад.

Глитсин
Общие
Хим. формула	C₂H₅NO₂
Физические свойства
Плотность	1,607 gram per cubic centimetre
Термические свойства
Т. плав.	233 °С
Т. разл.	290 °С
Химические свойства
pKa	2,35
Таснифот
Рег. номер CAS	56-40-6
PubChem	750 ва 5257127
Рег. номер EINECS	200-272-2
SMILES	C(C(=O)O)N
InChI	InChI=1S/C2H5NO2/c3-1-2(4)5/h1,3H2,(H,4,5) DHMQDGOQFOQNFH-UHFFFAOYSA-N
Кодекс Алиментариус	E640
ChEBI	15428 ва 57305
ChemSpider	730
Приводятся данные для стандартных условий (25 °C, 100 кПа), если не указано иного.

Бо асид ва асосҳо намак, бо аксар катионҳо — пайвастҳои муҷтамеъ ҳосил мекунад. Дар спирт ва эфир ҳал намешавад. Дар таркиби глитсин бисёр сафедаҳои наботот ва ҳайвонот мавҷуд аст. Онро асосан бо усули ҳидролизи сафедаҳои желатин ё фиброини абрешим ҳосил мекунанд. Глитсин аз асиди (кислотаи) монохлоратсетат ва аммиак синтез карда мешавад. Онро барои таҳияи маҳлулҳои буферӣ, синтези асидҳои гиппурат ва аминогиппурат, истеҳсоли пептидҳо кор мефармоянд. Дар суратгарӣ асиди n-оксифениламиноатсетат (оксифенилглитсин)-ро глитсин меноманд: HO – C₆H₄ – NHCH₂COOH. Онро чун падиддору истифода мебаранд.

Адабиёт

• Хомченко Г. П. Химия. Д., 1986;
• Холиқов Ш. Х. Кимиёи органикӣ. Д., 2012.

Сарчашма

• Глитсин // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.