Гузарониш

Гузарониш — дар оптика тавассути муҳит бе тағйирёбии маҷмӯи басомадҳои афканишоти монохроматӣ ва интенсивияти нисбӣ гузаштани афканишоти оптикӣ.

Гузарониши самтгирифта, дифраксионӣ ва омехтаро фарқ мекунанд. Ҳангоми гузарониш самтгирифта пароканиши рӯшноӣ дар муҳит амалан ба вуҷуд намеояд. Дар гузаронии диффузӣ омили асосӣ пароканиш буда, инкисор (шикаст) ва гузаронии самтгирифта хеле ночиз мебошанд. Дар ҳолати омехта гузарониш қисман самтгирифта ва қисман диффузӣ мешавад. Навъи махсуси гузарониши диффузӣ гузарониши мунтазам диффузияшаванда аст, ки ҳангоми он тақсимоти фазоии дурахшонии афканишоти парокандашуда дар ҳама самтҳо як хел мешавад.

Нигаред низ

• Рӯшноии монохроматӣ

Адабиёт

• Гузарониш // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.