Гулбоғи Мироненко (Душанбе)

Гулбоғи ба номи А. Мироненко — дар ноҳияи Абуалии Синои шаҳри Душанбе, соҳили рости дарёи Варзоб (Душанбе) воқеъ аст.

Тавсиф

Гулбоғи ба номи А. Мироненко - дар ноҳияи А. Синои шаҳри Душанбе, дар гузаргохи кўчаи Маяковский ва хиёбони Абуалии Сино воқеъ аст. Дарозии гулбоғ – 400 м. ва бараш -150 м ташкил медиҳад.

Таърих

Бунёди гулбоғ ба иштирокчии ҷанги Афғонистон, ки барои қаҳрамониаш соҳиби унвони Қаҳрамони Иттиҳоди Шуравӣ шудааст, вобаста аст. Дар гулгашти марказӣ дар болои плитаи росткунҷа нимпайкараи аскар А. Мироненко бо саркулоҳи ҳарбӣ гузошта шудааст. Дар поёни он, дар сангпораҳои алоҳида номҳои аскарони тоҷикистонии дар ҷанг фавтида навишта шудаанд. Гулбоғ дорои гулгашт дарахту гулбута ва курсиву фаввора мебошад. Гулбоғ ҷойи фароғат ва истироҳати сокинони Душанбе шудааст

Манобеъ

Мамаджанова С., Мукимов Р. Архитектура и градостроительство Душанбе (история, теория и практика). — Д., 2008. — С. 285. (рус.)