Гулобии сафед

Гулобии сафед — навъи харбузаи дерпаз. Дар вилояти Суғд, водиҳои Вахшу Ҳисор ва Зарафшон мепарваранд.

Харбузаи байзашакл аст; вазнаш 4-7 кг. Пӯсташ ҳамвор, сабзи сафедтоб, гирди думчааш сабзи баланд, қисман тӯрдор. Мағзаш сафеди ғафс (5-6 см), хуштаъм, сершираву гуворо; дар таркибаш 10-11 % қанд мавҷуд аст. Тухмаш калони зардча. Даври нашваш 85-90 рӯз. Аз ҳар га 220—300 сентнер ҳосил мегиранд. Барои ба ҷойҳои дур кашондан ва дер нигоҳ доштан (то март — апрел) мувофиқ аст. Аз касалиҳои пажмурдашавии фузариозӣ ва гарда зарар мебинад.

Адабиёт

• Гулобии сафед // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.

• Дастури полизкор. Д., 1987.