Дил — узви марказии гардиши хуни одам ва ҳайвон, ки ҳаракати хунро дар рагҳо таъмин менамояд.[1] Дили ҳайвони ширхӯр ва одам дар қафаси сина, байни ҳарду қисми шуш, дар болои диафрагма ҷой гирифтааст. Дили одами калонсол ба ҳисоби миёна 220—300 г ва дарозиаш 12-15 см мешавад. Дил узви мушакӣ буда, аз даҳлез ва меъдачаи чапи дил (хунро аз венаи гардиши хурди хун ба артерияи гардиши калони хун мегузаронад) ва даҳлезу меъдачаи рости дил (хунро аз венаи гардиши калони хун ба артерияи гардиши хурди хун мегузаронад) иборат аст. Тарафҳои чап ва рости дил бо девораи яклухт аз ҳамдигар чудо шудаанд. Девораи дил се қабат дорад: 1) қабати берунии серозӣ — эпикард; 2) қабати мобайнии мушакӣ — миокард; 3) қабати дарунӣ — эндокард.

Heart structure: Arrows show how blood flows.

Дил аз се қисм иборат аст:

  • Асоси;
  • Тана;
  • Нӯги дил;
Амсилаи компютерии кори дил
Аниматсияи дил

Эзоҳ вироиш