Заминпӯёшиносӣ

Заминпӯёшиносӣ (форсӣ: زمین‌پویایی‌شناسی‎), геодинамика — фасли заминшиносӣ, илм дар бораи Замин аст, ки тағйирёбиҳои ҳолати нуқтаҳои сатҳи Замин ва майдони ҷозибаи сайёраро меомӯзад. Дар зери таъсири мадд ва ҷазри Моҳ ва Офтоб шакли Замин ва қувваи ҷозиба дар нуқтаҳои гуногуни он тағйир меёбад. Якқатор ҳодисаҳои геодинамикӣ муайян карда шудааст – чархиши номунтазами Замин дар атрофи меҳвари худ, ҳаракати тахтасангҳои литосферӣ, тағйирёбии шакли генид, ҷойивазкунии маркази масса ва меҳвари Замин ва ҳоказо.

Объектҳои омӯзиши заминпӯёшиносиро бевосита мушоҳида намудан аз имкон берун аст; дар бораи онҳо тавассути хосиятҳои ғайримустақим, андешаронии назариявӣ ва зоҳиршавии онҳо дар рӯйи Замин хулоса кардан мумкин аст. Бо ин сабаб заминпӯёшиносӣ бо илмҳои геофизика, геокимиё, сангшиносӣ ва тектоника робитаи наздик дошта, ба қонунҳои физика ва кимиё такя менамояд. Илми заминпӯёшиносӣ ба бахшҳои гуногун: динамикаи ҳастаӣ, динамикаи мантия, динамикаи литосфера, динамикаи ҳидросфера, динамикаи атмосфера ва динамикаи фазои атрофи замин тақсим мешавад. Ҳар бахши номбурдаро илмҳои мухталиф (мас., динамикаи равандҳои ҳидротермӣ, динамикаи минтақаҳои ковиш ва ғ.) меомӯзанд.

ЭзоҳВироиш

АдабиётВироиш

  • Добрецов Н. Л., Кирдяшкин А. заминпӯёшиносӣ, Кирдяшкин А. А. Глубинная геодинамика. Новосибирск: Гео, 2002. 373с.
  • Батугин А. С. Геодинамическое районирование. Москва: МГГУ. 2003. ISBN 5-94999-007-2.
  • Мехбалиев М. М. Опыт составления и картографо-статистический анализ карты геодинамической активности склонов (на примере ключевого участка Агричай) // Известия Русского географического общества. 2006. Т. 138, Вып. 6. С. 72-76.

ПайвандҳоВироиш