Зарфи монандӣ

Зарфи монандӣ тарзи иҷрои амалро ҳамеша бо роҳи муқоиса ба аломат ва хусусияти ашёи муайян баён менамояд.Зарфи монандӣ шакли сода надорад.Вай аз исм ба воситаи пасвандҳои -вор, -она, -сон, -ваш сохта мешавад.

Мисолҳо

• Рӯдворона зиндагонӣ кун,

Ҷӯш зан, ҷӯш зан, ҷавонӣ кун (Мирзо Турсунзода);

• ...дандонҳои марворидсон сафеди ҷилодорашро нишон дода, бо овози ҷарангосӣ аз таҳти дил, самимона механдид (Фазлиддин Муҳаммадиев).

Нигаред низ

• Зарф (дастури забон)

Адабиёт

• Грамматикаи забони адабии ҳозираи тоҷик. Қисми 1: Фонетика ва морфология. — Душанбе: Дониш, 1985. — 271 саҳ.