Игор Губин

Игор Губин
Игор Губин
Таърихи таваллуд	18 апрел (1 май) 1906
Зодгоҳ	Санкт-Петербург, Русияи подшоҳӣ;
Таърихи даргузашт	15 июл 2001 (95 сол)
Маҳалли даргузашт	Маскав, Русия;
Фазои илмӣ	заминшиносӣ
Ҷойҳои кор	A.P. Karpinsky Russian Geological Research Institute[d];
Алма-матер	Донишгоҳи давлатии кӯҳкории Санкт-Петербург[d];
Ҷоизаҳо

Губин Игор Евгеневич (русӣ: Игорь Евгеньевич Губин; 18 апрел [1 май] 1906, Санкт-Петербург^[1] — 15 июл 2001, Маскав) — заминшиноси шӯравӣ, муҳаққиқи соҳаи сейсмотектоника. Доктори илмҳои геология ва минералогия (1960), Ходими хидматнишондодаи илми ҶШС Тоҷикистон (1966), узви вобастаи АИ ИҶШС (1976).

Зиндагинома

Хатмкардаи Институти кӯҳкории Ленинград (ҳоло Санкт-Петербург, 1935). Солҳои 1938−1945 мудири бахши геологияи Пойгоҳи тоҷикистонии АИ ИҶШС, минбаъд Институти геологияи Филиали тоҷикистонии АИ ИҶШС буд. Асосан тектоника ва заминларзаи Осиёи Марказӣ, бахусус Тоҷикистонро таҳқиқ кардааст. Игор Губин нахустин харитаҳои ноҳияҳои ҷанубӣ, шарқӣ ва ғарбии Тоҷикистонро тартиб дода, қисми ҷанубии Осиёи Марказиро ба ноҳияҳои тектоникӣ тақсим кардааст. Дар Тоҷикистон чандин минтақаи кафидаҳои бузурги тектоникиро муқаррар намуда, харитаҳои изосейстии 30 заминларзаи харобиоварро мураттаб сохта, сабабҳои геологии онҳоро шарҳ додааст. Игор Губин мувофиқати қонуни ҳодисаҳои геологию зилзилавиро ба назар гирифта, тарзи нави тартиб додани харитаҳои зилзилавиро пешниҳод кард, ки дар онҳо минтақаҳои зилзилавӣ мавқеи махсус доранд. Игор Губин солҳои 1966-1967 аз тарафи созмони ЮНЕСКО ҳамчун профессори Институти байналмилалии сейсмологии Токио дар Ҷопон, 1968—1969 ҳамчун мушовири ЮНЕСКО дар Ҳиндустон оид ба масъалаҳои тақсимоти сейсмологии ноҳияҳо фаъолият кардааст.

Эзоҳ

↑ ^1.0 ^1.1 Губин Игорь Евгеньевич // Большая советская энциклопедия (рус.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

Адабиёт

Губин Игор Евгеневич / Р. Б. Баротов // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.

Закономерности сейсмических проявлений на территории Таджикистана. М., 1960;
Большая биографическая энциклопедия. М., 2009.

[_935b7cab00544791-1] 1.0 ^1.1 Губин Игорь Евгеньевич // Большая советская энциклопедия (рус.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[1]