Малҳам барои лаб

Малҳам барои лаб - воситае мебошад, ки барои нарм кардани пӯсти шамолзада ё кафидаи лабон, инчунин барои табобати табхол молида мешавад. Малҳам дар бештари мавридҳо дар таркибаш муми асал ё карнаубӣ, камфора, ланолин, парафин, вазелин ва ғ дорад.

Дар 2019 сол ҳаҷми бозори ҷаҳонии малҳам барои лаб 660 миллион доллари ИМА-ро ташкил кард. Пешбинӣ мешавад, ки бозор дар давоми панҷ соли минбаъда бо суръати 7,3% афзоиш мекунад ва дар 2024 сол ба 1010 миллион доллари ИМА баробар мешавад.

Намудҳо

Вобаста ба ҷузъҳои ба таркиби малғам воридшуда намудҳои гуногуни малҳам мавҷуд аст:

• Онро дар мавсими тобистон ё дар ҷойҳои фаъолнокии баланди офтоб (ба монанди истироҳатгоҳҳои лижаронии кӯҳӣ) истифода кардан зарур аст.
• Малҳами ғизодиҳанда барои лаб. Онро дар мавсими зимистон истифода кардан беҳтар аст.
• Малҳами намкунанда барои лаб. Дар мавсими зимистон ҳангоми истифодаи он лабон кафида метавонанд, чунки малҳам хеле зуд ҷаббида мешавад.
• Малҳами табобатӣ барои лаб. Он амали нармкунанда ва зиддисептикӣ дорад.
• Малҳам барои лаб бо равғанҳои табии дар таркибаш. Дар таркиби чунин восита метавонад равғани кунҷит, равғани бабассу, витаминҳои Е ва А мавҷуд бошад, ки хушкшавӣ ва кафидани лабҳоро пешгирӣ мекунад.

Технологияи истеҳсол

Марҳилаҳои истеҳсолии малҳам барои лаб дар бар мегиранд:

• Тафтиши ашёи ибтидоӣ тибқи нишондиҳандаҳои сифатӣ (барои воситаҳои косметикӣ меъёрҳои қатъии бехатарӣ тақозо мешаванд)
• Воякунӣ, обкунӣ, омехтакунии ҷузъҳо (дастгоҳҳои махсус ва шартҳо истифода мешавад)
• Коркарди вакуумии мавод (хориҷкунии ҳубобчаҳо)
• Заррашаклшавии мавод (дар давоми ду шабонарӯз мегузарад)
• Обкунӣ
• Шаклбандӣ (тақсими ҳаҷми умумии малҳам ба порачаҳо, додани шакли зарурӣ)
• Борпечикунӣ (ҷойгиркунии восита ба қуттӣ)