Марворид Қосимова

Марворид Қосимова (Қосимова Марворид Наимовна, русӣ: Маргарита Наимовна Касымова; зод. 10 апрели 1938, Сталинобод, ҶШС Тоҷикистон) — ҳунарпешаи тоҷик, шӯравӣ ва белорус, коргардони филм, филмноманавис. Ходими шоистаи ҳунари Тоҷикистон (1976).

Марворид Қосимова
русӣ: Касымова Маргарита Наимовна
Ном ба ҳангоми таваллуд:	Қосимова Марворид Наимовна
Таърихи таваллуд:	10 апрел 1938(1938-04-10) (85 сол)
Зодгоҳ:	Сталинобод, ҶШС Тоҷикистон, ИҶШС
Шаҳрвандӣ:	ИҶШС  Тоҷикистон
Касб:	ҳунарпеша, коргардони филм
Корнома:	1967 — то ҳол
Ҷоизаҳо:	Ходими шоистаи ҳунари ҶШС Тоҷикистон (1976)
IMDb:	ID 0441063

Зиндагинома

Институти давлатии умумиитифоқи кинематографияи шаҳри Маскавро соли 1962 ба итмом расонда, қариб сӣ сол дар «Тоҷикфилм» ба сифати коргардон заҳмат кашидааст.

Эҷодиёт

Ҳангоми донишҷӯӣ (соли 1959) филми ҳуҷҷатии «Қал­би яқини Помир» — ро таҳия кард, ки писанди умум афтод. Минбаъд филмҳои бадеӣ ва ҳуҷҷатиро якзайл таҳия намудааст.

Филмҳои бадеӣ

Филмҳои бадеиаш — «Тобистони соли 43-юм», «Ҷӯра-Саркор», «Роҳҳо гуногун мешаванд», «Чор нафар аз Чорсанг» (2 қисм), «Бофандадухтар», «Буд-набуд, дар синфи якум буд», «Имрӯз ва ҳамеша», «Чашмаи гуё», «Пайи динозавр куҷо мебарад?», «Марди мутааллиқи ду зан», «Ишқ баъди сад сол» дар кинои тоҷик ҷои хос доранд.

Филмҳои ҳуҷҷатӣ

Филмҳои ҳуҷҷатии «Бародари ман Ғулом», «Ибни Сино», «Зебо», «Сарчашма», «Саҳифаҳои албоми куҳна», «Кишвари ман», «Роҳи баробари умр», «Бо роҳи охирин», «Фарёд», «Роҳи сафед» ва ғайраҳо аз маҳорати баланди таҳиягариаш дарак медиҳад. Бисёр су­жа­­ҳои киножурнали ҳаҷвии «Калтак»-ро коргардонӣ кардааст.

Ҷоизаҳо

Бо Грамотаи Фахрии Президиуми Совети Олии Тоҷикистон сарфа­роз гардидааст.

Адабиёт

• Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.

Пайвандҳо

• Маргарита Касымова(англ.) дар вебгоҳи Internet Movie Database
• Маргарита Касымова дар вебгоҳи КиноПоиск