Мурод Бозоров

Мурод Бозоров (Бозоров Мурод Аҳмадҷонович; зод. 29 июни 1957, ноҳияи Марҳамат, вилояти Андиҷон, ҶШС Узбакистон) — домпизишк, доктори илмҳои байторӣ (1994).

Мурод Бозоров

Зиндагинома

Хатмкардаи Институти кишоварзии ш. Ивановои Руссия (1984). Байтори калони Филиали осиёимиёнагии Институти таҳқиқоти илмии умумииттифоқии оқсили Душанбе (1984-86), сарбайтор (1986-87), аспирант (1987-89) ва ходими илмии Институти таҳқиқоти илмии умумииттифоқии оқсили ш. Владимири Федератсияи Руссия (1989-90), ходими калони илмӣ (1990-93) ва мудири лабораторияи ташхисоти Филиали осиёимиёнагии Институти таҳқиқоти илмии умумииттифоқии оқсили ш. Душанбе (1993), директори Институти осиёимиёнагии оқсили ш. Душанбе (1993 −2000), ходими илмии пешбари Муассисаи илмӣ-истеҳсолии «Биопрепаратҳо»-и ш. Душанбе (аз 2000). Муаллифи 90 мақолаи илмӣ ва 10 шаҳодатномаи муаллифист.

Осор

• Реакция эритроиммунноадсорбции при изучении ящура (ҳаммуаллиф). Владимир, 1989;
• Иммунноферментный метод с биотинстраптоавидином при ящуре (ҳаммуаллиф). Владимир, 1991;
• Иммунноферментный метод при диагностике ящура (ҳаммуаллиф). М., 1991;
• Иммунноферментный метод с биотинстрептоавидином при ящуре (ҳаммуаллиф). Д., 1993;
• Технология и контроль изготовления противоящурных биопрепаратов с помощью ускоренного ИФМ (ҳаммуаллиф). Харьков, 1993.

Адабиёт

• Бозоров Мурод Аҳмадҷонович // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.