Open main menu

Отто Вагнер (олмонӣ: Otto Wagner) (30.7.1841, Пенсинг – 11.4.1918, Вена) — меъмори австриягӣ, яке аз поягузорони меъмории модерн.

Отто Вагнер
олмонӣ: Otto Wagner
Сурат
Санаи таваллуд:

13 июл 1841(1841-07-13)[1][2][…]

Мамлакат:
Санаи марг:

11 апрел 1918(1918-04-11)[5][1][6] (76 сол) ё 12 апрел 1918(1918-04-12)[7] (76 сол)

Commons-logo.svg Отто Вагнер дар Викианбор

ЗиндагиномаВироиш

Отто Вагнер дар техникуми политехникии Вена (аз соли 1858) ва Академияи санъати тасвирии Вена (1861–63) таҳсил кард. Дар коргоҳи меъмор Генрих Фёрстер шогирд буд ва пас аз муддате ба фаъолияти мустақилона пардохт. Дар 20 соли баъд Вагнер бо сабки эклектика тарҳҳоеро аз худ ва бегонагон анҷом дод. Дар миёнаи солҳои 1890 рӯ ба сабки модерн (нигар модернизм) меорад. Бар хилофи дигар меъморони номдори модерн (В. Орта, Ч. Макинтош, Л. Кекушев) Вагнер дар ҷодаи ин сабки нав таҷрибаи кофии меъморию бинокорӣ дошт. Аз соли 1894, вақте ки барои тарҳрезии Штадтбани Вена даъват шуд, бештар ба лоиҳаҳои бузурги шаҳрсозӣ таваҷҷуҳ намуд. Солҳои 1900–08 В. барои осорхонаи ш. Вена пайи ҳам чаҳор лоиҳаи озмунӣ пешниҳод кард; ин намунаҳо ба ҷанҷолу бархӯрдҳои оштинопазири мактабҳои мухталифи эҷодӣ рӯ ба рӯ шуданд. Саранҷом ин бино дар даврони ҳаёти ӯ сохта нашуд; осорхонаи имрӯзаи Вена бинои кӯчакест, ки дар сабки солҳои 1960 сохта шудааст. Вижагии меъмории Вагнер дар ин давра саъйи содакориҳо дар бино буд (деворҳои ҳамвор, нимсутунҳои амудии сода), ки бо ороишоти «тилоӣ»-и вагнерӣ ва истифодаи васеи оҳани кӯфта тавъам аст.

СохтмонҳоВироиш

Сохтмонҳои машҳури Вагнер: калисои Am Steinhof ва монанд ба ин бино дар Гаага, Сан-Франсиско ва ш-ҳои дигар (1904–07), Маъбади Сулҳ дар Вена (1918). Бузургтарин биное, ки он солҳо аз рӯйи лоиҳаи В. сохта шуд, госпитале дар канораи ш. Вена буд (1906–10; ҳозира Otto – Wagner – Spital).

АдабиётВироиш

  • Большая советская энциклопедия. Т. 4. М., 1971;
  • دانشنامۀ دانشگستر. جلد ۱۷. تهران، ۱۳۸۹ هـ. ش؛ دائرة المعارف فارسی. جلد ۲. تهران، ۱۳۸۷ هـ. ش

СарчашмаВироиш

ЭзоҳВироиш