Парвиз Акрамзода

Акрамзода Парвиз Акрам — и.в. раиси шаҳри Турсунзода.

Акрамзода Парвиз Акрам
и.в. раиси шаҳри Турсунзода Тоҷикистон
аз 8 июни 2020
Президент	Эмомалӣ Раҳмон
Таваллуд	24 март 1980(1980-03-24) (44 сол)

Зиндагинома

24 марти соли 1980 дар ноҳияи Шаҳринав таваллуд шудааст. Миллат — тоҷик. Оиладор. Соли 2003 Донишгоҳи давлатии миллии Тоҷикистон (рӯзона) ва соли 2013 Академияи хоҷагии халқ ва хидмати давлатии назди Президенти Федератсияи Россияро (ғоибона) хатм кардааст. Ихтисос — иқтисодиёти ҷаҳон, идоракунии давлатӣ (унвони илмӣ надорад). Забонҳои русӣ, туркӣ, ӯзбекиро медонад. Вакили Маҷлиси вакилони халқи шаҳри Турсунзода (даъвати панҷум).

Солҳои 1999-2003 — мутахассиси дараҷаи аввали Ширкати бисёрсоҳавии истеҳсолию тиҷоратии дорои масъулияти маҳдуди «Сомон – 90», шаҳри Душанбе

Солҳои 2003-2004 — сармутахассис – муҳосиби Ширкати бисёрсоҳавии истеҳсолию тиҷоратии дорои масъулияти маҳдуди «Сомон – 90», шаҳри Душанбе

Солҳои 2004-2005 — сармутахассиси корхонаи воҳиди давлатии «Ғалла»–и Вазорати кишоварзии Ҷумҳурии Тоҷикистон, шаҳри Душанбе

Солҳои 2005-2014 — директори Ҷамъияти дорои масъулияти маҳдуди «Сомон – Турон – Инвест», шаҳри Турсунзода

Солҳои 2014-2015 — Муовини раиси шаҳри Турсунзода

Солҳои 2015-2018 — Муовини якуми раиси шаҳри Турсунзода

Солҳои 2018-2020 — Раиси ноҳияи Ховалинг, вилояти Хатлон

Аз июни соли 2020 — и.в. раиси шаҳри Турсунзода.