Раҷаб Ҳусейнов

Раҷаб Ҳусейнов (Ҳусейнов Раҷабалӣ Мамедович; 15 августи 1941, Душанбе — 26 марти 2022, Санкт-Петербург, Русия) — ҳунарпешаи театр ва синамои тоҷик. Узви Иттиҳодияи синамогарони Тоҷикистон ва ИҶШС (1980). Ҳунарпешаи шоистаи Тоҷикистон (2001),

Раҷаб Ҳусейн
Ҳусейнов Раҷабалӣ Мамедович
Таърихи таваллуд:	15 август 1941(1941-08-15)
Зодгоҳ:	Сталинобод, ҶШС Тоҷикистон, ИҶШС
Таърихи даргузашт	26 март 2022(2022-03-26) (80 сол)
Маҳалли марг:	Санкт-Петербург, Русия
Касб:	ҳунарпешаи театр
Ҷоизаҳо:	Ҳунарпешаи шоистаи Тоҷикистон (2001)
IMDb:	ID 0452039

Зиндагинома

Соли 1964 Институти театрӣ-бадеии ба номи А. Островскийи шаҳри Тошкандро хатм намуда, дар Театри Лоҳутӣ то соли 1998 ба сифати актёр ҳунар озмуд, аз соли 1998 актёри Театри давлатии драмаи русии ба номи В. Маяковский мебошад. Дар қариб шаст спектакл, аз қабили «Гамлет», «Шаби гирифтани моҳ», «Рустам ва Суҳроб», «Дод аз дасти ақл», «Роҳзанон», «Маро тарк макун», «Сарбозони инқилоб», «Шаби охирини Суқрот» нақшҳои хотирмон бозидааст.

Саҳм дар синамо

Когардон Суҳбат Ҳомидов ва Раҷаб Ҳусейнов

Дар «Тоҷикфилм», киностудияҳои Маскав, Узбекистон, Минск, Афғонистон аз истеъдодаш зиёд баҳра бурдаанд. «Қиссаи зиндони Павиак», «Чор дарвеш», «Ситораи Улуғбек», «Ҷумъаи ҳафтум», «Хӯҷаини об», «Робита», «Субҳи Ганг», «Тӯфон дар водӣ», «Ман — сарҳад», «Гаравгонон», «Сарҳади ором», «Ҳафт домоди дуздидашуда», «Себ аз ҷаннат», филми бисёрқисматаи телевизионии «Ҷӯра-шикорчӣ аз Минархар» намунае аз қариб панҷоҳ филманд, ки номбурда дар онҳо образҳои гуногун офаридааст. Саҳмаш дар дубляжи филмҳо ба забони тоҷикӣ ниҳоят калон аст.

Даргузашт

Раҷаб Ҳусейнов дар 80-солагӣ дар рӯзи 26 марти 2022 дар шаҳри Санкт-Петербург даргузашт.

Адабиёт

• Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.