Рӯзи модар

Мақолаи асосӣ: Рӯзи байналхалқии занон

8 март — иди байналмилалӣ, ба шарафи модар ҷашн гирифта мешавад.

Модари тоҷик

Модари тоҷик дар вақти самбӯсапазӣ

Дар Тоҷикистон

Истиқболи Рӯзи модар аз замони шӯравӣ ба мо мерос мондааст. Маҷлиси Олии Ҷумҳурии Тоҷикистон дар Қонуни Ҷумҳурии Тоҷикистон «Дар бораи рӯзҳои ид» аз 3 ноябри соли 1995, № 98 номгузории «Рӯзи байналхалқии занон» — ро ба Рӯзи модар иваз намудааст..

Рӯзи модар ҳар сол дар Тоҷикистон ҷашн гирифта мешавад.

Дар арафаи рӯзи 8 март ба муносибати рӯзи ид бо ташаббуси мақомоти давлатӣ, ташкилотҳои ҷамъиятӣ ва ҷузъу томҳои низомӣ чорабиниҳои ҷамъиятию сиёсӣ андешида мешаванд.

Нисбати модарон ва занон чорабиниҳои идонаи фарҳангӣ баргузор мегарданд. Мардон ва ҷавонон ба модарону бонувон туҳфаву гулдастаҳо дастрас мекунанд. Президенти Ҷумҳурии Тоҷикистон модарону бонувонро бо иди Рӯзи модар табрику муборакбод менамояд.

8 март — тибқи Қонуни Ҷумҳурии Тоҷикистон «Дар бораи рӯзҳои ид», рӯзи истироҳат муқарар шудааст.

Шеърҳо дар васфи Модар

Лоиқ Шералӣ

Ишқи Лоиқ ба модараш мояи даҳҳо шеъри нағзи ӯ буда, ки баъдан дар маҷмӯъаи «Модарнома» гирди ҳам омад ва беандоза маҳбуб шуд. Овозхонони тоҷик бисёре аз ин ашъорро табдил ба суруду тарона кардаанд:

Сиришти ман, ниҳоди ман ту будӣ,

Сафои бомдоди ман ту будӣ.

Аё модар, ба он сон бесаводӣ,

Нахустин устоди ман ту будӣ.

Ё:

Дар миёни кӯҳсорон,

Бо навои обшорон,

Бо сафои чашмасорон,

Бо суруди боду борон,

Бо дуруди навбаҳорон,

Ҷон ато кардӣ маро.

Ҷон ато кардию худро костӣ,

Рӯзу шабҳо бар сари гаҳвораи ман,

Модари ман, модари бечораи ман.

Аз паи рӯзӣ давида,

Хӯшаҳоро чида-чида,

Талху шӯриҳо чашида,

Ранҷи дунёро кашида,

Ганҷи дунёро надида,

Дил ато кардӣ маро.

Дил ато кардию худро костӣ,

Рӯзу шабҳо бар сари гаҳвораи ман,

Модари ман, модари ғамхораи ман,

Модари ман, модари бечораи ман.

Эраҷ Мирзо

Гӯянд маро чу зод модар

Пистон ба даҳон гирифтан омӯхт.

Шабҳо бари гаҳвораи ман

Бедор нишасту хуфтан омӯхт…

Нигаред

• Модар
• Рӯзи ПадарГУЯНД МАРО ЧУ ЗОД МОДАР -ИН ШЕЪРИ ИКБОЛ НЕСТ.БАЛКИ ШЕЪРИ ШОИРИ ИРОН ЭРАЧ МИРЗОСТ!

Пайвандҳо

• Рӯзҳои Ид(пайванди дастнорас)
• Видео дар бораи Модар Бойгонӣ шудааст 11 ноябри 2017  сол.