Тағоймурод Розиқов

Тағоймурод Розиқов (тав. 26 ноябри 1946) — коргардон, ҳунарпешаи театр ва синамо, Ҳунарпешаи халқии Тоҷикистон (1998).

Тағоймурод Розиқов
Таърихи таваллуд:	26 ноябр 1946(1946-11-26) (78 сол)
Зодгоҳ:	ҶШС Тоҷикистон, ИҶШС
Шаҳрвандӣ:	ИҶШС  Тоҷикистон
Касб:	ҳунарпеша
IMDb:	ID 0747620
Парвандаҳо дар Викианбор

Зиндагинома

Хатмкардаи Омӯзишгоҳи мусиқии шаҳри Душанбе (1964) ва Институти давлатии санъати театрии ба номи А. Луначарскийи шаҳри Маскав (1971).

Фаъолияти корӣ

Аз соли 1971 ҳунарпешаи Театри давлатии ҷавонони Тоҷикистон ба номи М. Воҳидов. Ҳамзамон аз соли 1997 профессор ва декани факултаи театрӣ-бадеии Донишкадаи давлатии санъати Тоҷикистон ба номи М. Турсунзода.

Фаъолияти эҷодӣ

Театр

Дар саҳнаи театр зиёда аз 60 нақш офаридааст:

• Вандалино («Муаллими рақс»-и Лопе де Вега),
• Қурбон («Сафар Амиршоев»-и Р. Сафаров),
• Саларидзе («Айбнома»-и Н. Думбадзе),
• раис («Торҳои муҳаббат»-и Қ. Киром),
• Балъамӣ («Рӯдакӣ»-и С. Улуғзода),
• Инсоф («Сухани вопасин»-и Ш. Ҳусайнов),
• Дон Жуан («Якпула савдо, садпула ғавғо»-и В. Шекспир),
• Ношинос («Гирдоби бало»-и А. Островский),
• Файз Аҳмади Файз, Лоҳутӣ («Хуршедсавор», «Умри ҷовид»-и А. Сайфуллоев),
• Гӯрғулӣ («Заволи Чамбули мастон»-и С. Айюбӣ),
• вазир («Падари миллат»-и А. Баҳорӣ),
• Туғрал («Туғрал»-и Қ. Киром),
• шоҳ («Чашмони бародари қиёматӣ»-и Н. Табаров) ва ғайра.

Синамо

Дар якчанд филми «Тоҷикфилм» — «Бофандагон», «Шикори охирин», «Доми шағолон», «Дар ағба», "Чоҳ, «Парвози занбӯр», «Умеди охирин», «Нишони зиндагӣ», «Пуштаи хандақпеч», «Сукут», «Нигоҳи охирин», «Ман гунаҳгорам», «Дар орзуи падар», "Нисо, «Гирдоб», «Шамсиддин Шоҳин» ва ғайра ва намоишномаҳои телевизиони Тоҷикистон нақшҳои ҷолиб офаридааст; дар дубляжи филмҳо низ ширкат дорад.

Адабиёт

• Донишномаи Душанбе. — Д.: СИЭМТ, 2016. — С. 540. — 732 с. — ISBN 978-99947-33-89-7.