Фурудгоҳи байналмилалии Кӯлоб
Фурудгоҳи байналмилалии Кӯлоб — ин фурудгоҳи байналмилалиест, ки 6 километр аз тарафи шимолии шаҳри Кӯлоб ҷойгир аст ва яке аз чорумин фурудгоҳи байналмилалии Тоҷикистон буда, аз ҷиҳати пурҳаракати баъд аз фурудгоҳи байналмилалии Душанбе ва Фурудгоҳи байналмилалии Хуҷанд дар ҷои сеюм қарор дорад.
| Фурудгоҳи байналмилалии Кӯлоб Kulob international airport | |||
|---|---|---|---|
| |||
| ИОТО: TJU – ИКАО: надорад | |||
| хулоса | |||
| навъи фурудгоҳ | ҳамагона | ||
| шаҳр | Кӯлоб | ||
| муқеъият | Тоҷикистон | ||
| Бонд фурудгоҳ | |||
| Ҷаҳат | тул | сатҳ | |
| Метр | фут | ||
| 40927 | 3000 | 9843 | асфалт |
Маълумоти умуми
вироишАсосан ҳамчун авиатсияи шаҳрванди (мусофир ва боркашонӣ) истифода мешавад, ҳамчунин ба сифати аэродром барои Қувваҳои ҳарбии Тоҷикистон истифода мешавад. Барои ширкатҳои ҳавопаймоии Somon Air, Tajik Air, East Air, Asia Airways, Asian Express Airline ва Samar Air хидмат мерасонад. Дар баландии 675 метр аз сатҳи баҳр ҷойгир аст ва 1 роҳи парвозу фурудоии дарозиаш 3000 метра дорад. Замони Шӯравӣ сохта ба истифода дода шудааст, замони соҳибистиқлолии Тоҷикистон унвони байналмилалиро гирифт. Қобилияти қабули ҳама навъи ҳавопаймоҳо ва чархболҳоро дорад. Ба як қатор шаҳрҳои Русия, мунтазам парвозҳоро ба роҳ мондааст.
Ширкатҳои ҳавопаймои ва хатсайрҳо дар соли 2022
вироиш| Ширкати ҳавопаймои | Хатсайр |
|---|---|
 Somon Air |
Маскав (Внуково), Маскав (Домодедово), Маскав (Жуковский), Душанбе |
 Ural Airlines |
Маскав (Домодедово), Красноярск, Калуга, Нижний Новгород, Санкт-Петербург (Пулково), Екатеринбург (Кольцово) |
Буҳрони иқтисодӣ
вироишФурудгоҳи байналмилалии Кӯлоб дар панҷ моҳи қатъ шудани парвозҳо бинобар пандемияи фарогир, 9-миллион сомонӣ зарар дида, шаст дарсади кормандонашро ба рухсатии бемузд фиристодааст. Масъулони фурудгоҳ мегӯянд, ки дар даҳсолаи ахир чунин ҳолат бесобиқа будааст.
Ҷумъахон Қараев, сармуҳосиби Фурудгоҳи байналмилалии Кӯлоб рӯзи чаҳоршанбеи 15-уми июл зимни нишасти хабарӣ гуфт, ки сар аз 18-уми март парвозҳо тариқи ин фурудгоҳ қатъ шуданд ва пандемияи фарогир онҳоро дар шароити сахти молӣ қарор дод. Ӯ афзуд, ки ҳоло фурудгоҳ дар суратҳисобаш дигар пул надорад ва аз ин рӯ, кормандонаш дар рухсатии бемузд қарор доранд.
"Нисбати ҳамин давраи соли гузашта, яъне дар нимсола нуҳ миллион сомонӣ зарар дидем. Нуҳ милион сомонӣ даромади софро аз даст додем. Ҳоло 60 дарсади кормандони фурудгоҳ дар рухсатии бемузд қарор доранд. Дар суратҳисоби мо ягон дирам вуҷуд надорад ва ягон манбаи даромади дигар нест, ки маоши кормандонро диҳем, агар давлат ба мо ягон сомонӣ диҳад, мо маош дода метавонем",-афзуд Ҷумъахон Қараев.
Масъулин мегӯянд, ки фурудгоҳ дар гузашта бо кам шудани парвозҳо даромади камтар ба даст оварда буд, аммо бо чунин ҳолат дар даҳсолаи ахир рӯбарӯ нашуда буд.
Соли 2017 масъулони Фурудгоҳи байналмилалии Кӯлоб гуфта буданд, ки бинобар кам будани теъдоди мусофирон, шумораи парвозҳо шадидан коҳиш ёфта, аз ин фурудгоҳ парвозҳо танҳо дар масири Кӯлоб-Маскав анҷом мешаванд.
Ба гуфтаи масъулони фурудгоҳ, то охирҳои соли 2016 аз Фурудгоҳи байналмилалии Кӯлоб ба самти Русия дар як ҳафта чор ва дар соли 2017 ҳафтае ду парвозҳо сурат мегирифт, ки фоидаи молии фурудгоҳро коҳиш дода буд. Масъулини фурудгоҳ ҳоло мунтазиранд, ки парвозҳо аз сар гирифта мешаванд ва фурудгоҳ ба ҳолати оддии фаъолият бармегардад.
Зимнан, бахши аслии мусофирони Фурудгоҳи Кӯлобро муҳоҷирони корӣ ташкил мекунанд. Масъулони фурудгоҳ мегӯянд, онҳо ҳам манфиатдоранд, ки Русия ба ҳавопаймоҳояш иҷозаи парвоз диҳад, то корҳо дар фурудгоҳ оғоз шаваду коргаронашон сари кор баргарданд.
Фурудгоҳи Кӯлоб соли 2006 мақоми байналмилалиро соҳиб гашт ва дар гузашта на фақат ба Русия, балки ба Қазоқистону Чин ҳам парвозҳо анҷом медод. Аммо ин парвозҳо қатъ ва бори аввал соли гузашта, ширкати "Сомон Эйр", ба самти Русия ва сокинони маҳаллиро барои адои ҳаҷҷ ба Арабистони Саудӣ интиқол медод.
Бори охир ширкати "Сомон Эйр" 24-уми март ду парвози чартерӣ аз Русия анҷом дод ва бо ҳамин парвозҳо ба Фурудгоҳи байналмилалии Кӯлоб қатъ шуд.[2]
Нигаред
вироишМанобеъ
вироиш- ↑ https://ru.m.wikipedia.org/wiki/%D0%9A%D1%83%D0%BB%D1%8F%D0%B1_(%D0%B0%D1%8D%D1%80%D0%BE%D0%BF%D0%BE%D1%80%D1%82)
- ↑ https://www.ozodi.org/a/furudgohi-kulob-kormandonashro-ba-rukhsatii-bemuzd-firistod/30729489.html
- барои фурудгоҳи Кӯлоб flightradar.com
- ҷадвали парвозҳои фурудгоҳи Кӯлоб
- http://airport-kulob.tj/ru/главная/ Бойгонӣ шудааст 7 Январ 2022 сол.
|
Ин мақолаи хурд аст. Бо густариши он ба Википедия кӯмак кунед. |