Холиқ Бобоев

Холиқ Бобоев (1876, деҳаи Дараи Ҳабаши ноҳияи Муъминобод — 1909, ҳамон ҷо) — ширинкор ва масхарабози тоҷик.

Холиқ Бобоев
Таърихи таваллуд	1876
Зодгоҳ	ноҳияи Мӯъминобод
Таърихи даргузашт	1909(1909)
Кишвар	Русияи подшоҳӣ
Пеша	бозигарӣ

Зиндагинома

Ин ҳунарро аз масхарабози касбӣ Набии Даштиҷумӣ омӯхта, дар 19-20-солагиаш ҳамчун масхарабоз шуҳрат ёфтааст. Ӯ аслан ба деҳқонӣ шуғл варзида, латифа, афсона, нақлу ривоят, зарбулмасал ва рубоиҳои халқии бисёре медонист. Бобоев драмаҳои халқии «Бобопирак», «Хирсбозӣ», «Раис», «Бофандагӣ», «Осиёб», «Ҷувоз» ва ғ-ро дар тӯю маъракаҳои халқӣ иҷро намуда, камбуду нуқсонҳои зиндагиро зери танқид мегирифт, бо ҳаҷви тезутунд ва нишонрас онҳоро фош мекард. Ӯ аз имкониятҳои театри халқӣ, хусусан санъати ҳаҷву мублиға фаровон истифода мебурд.

Сарчашма

• Бобоев Холиқ / Н. Нурҷонов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.