Шариф Самӣ
Шариф Ҳамид Самӣ — ходими давлатии тоҷик. Иҷрокунандаи вазифаи Раиси ноҳияи Исмоили Сомонии шаҳри Душанбе (аз 12 январи соли 2017 то 11 январи 2023)
| Шариф Ҳамид Самӣ | |
| Таърихи таваллуд | 22 апрел 1957 |
| Зодгоҳ | |
Зиндагинома
вироишШариф Ҳамид Самӣ 22 апрели соли 1957 дар Ҷумҳурии Тоҷикистон таваллуд шудааст, миллаташ тоҷик, маълумоташ олӣ. Соли 1979 Донишгоҳи техникии Тоҷикистон ба номи академик Муҳаммад Осимиро бо ихтисоси муҳандиси барқ ва соли 2006 Академияи хидмати давлатии Россияро бо ихтисоси идоракунии давлатӣ ва маҳаллӣ хатм намудааст. Фаъолияти кориашро соли 1979 дар Идораи махсуси «Гидроспетсстрой» дар ноҳияи Данғара ҳамчун Челонгари барқи дараҷаи 1-ум оғоз намуд, то соли 1995 дар вазифаҳои механики азнақббарории ҳамин идора, муҳандис, муҳандиси калон, иҷрокунандаи вазифаи сардор, ҷонишини сардор, сардори Идораи сайёри махсуси механиконидашудаи № 42-и Ширкати «Тоҷик-ирмонтаж», ноҳияи Данғара фаъолият намудааст. Солҳои 1995—1999 Муовини аввали раиси шаҳри Қӯрғонтеппа буд. Солҳои 1999—2002 дар вазифаҳои Муовини Раиси Ширкати давлатии саҳҳомию ҳолдингии «Барқи Тоҷик» ва Муовини Вазири энергетикаи Ҷумҳурии Тоҷикистон фаъолият намудааст. Солҳои 2002—2005 Раиси шаҳри Нораки вилояти Хатлон ва солҳои 2005—2006 Раиси ноҳияи Фирдавсии шаҳри Душанбе буд. Солҳои 2006—2009 дар вазифаҳои Раиси Ширкати Саҳҳомии Холдингии Кушодаи «Барқи Тоҷик» ва солҳои 2009—2010 Директори Нерӯгоҳи барқии обии Норак ба номи Турсун Ӯлҷабоев кор кардааст. Аз соли 2010 то соли 2014 ба ҳайси Раиси шаҳри Қӯрғонтеппаи вилояти Хатлон фаъолият намудааст. Аз 21 феврали соли 2014 то 12 январи соли 2017 Директори Муассисаи давлатии "Мудирияти минтақаи зериобшавандаи Нерӯгоҳи барқи обии «Роғун» буд. Бо Фармони Президенти Ҷумҳурии Тоҷикистон аз 12 январи соли 2017 иҷрокунандаи вазифаи Раиси ноҳияи Исмоили Сомонии шаҳри Душанбе таъйин гардида то 11 январи соли 2023 дар ин вазифа буд.[1][2]