Эрнст Генрих Барлах
Эрнст Ба́рлах (олмонӣ: Ernst Barlach, 2 январи 1870, Ведел, Голштейн — 24 октябри 1938, Росток) — пайкарасоз, график, нависандаи олмонӣ, яке аз ашхоси барҷастаи равияи экспрессионизм.
| олмонӣ: Ernst Barlach | |
 | |
| Таърихи таваллуд | 2 январ 1870[1][2][3][…] |
| Зодгоҳ: | |
| Таърихи даргузашт | 24 октябр 1938[4][2][5][…] (68 сол) |
| Маҳалли даргузашт | |
| Мамлакат: | |
| Имзо |
 |
 Парвандаҳо дар Викианбор | |
.svg){kind=small}
Зиндагинома
вироишДар мактаби бадеиву саноатии Гамбург (1888-91), АР Дрезден (аз с 1891), инчунин Париж таҳсил кардааст (1895-96). Эрнст Барлах баъди ташрифаш ба Россия (1906) аз чӯб бо номи «Силсилаи русӣ» пайкараҳо сохт, ки шуҳрати ҷаҳонӣ доранд. Соли 1909 ба Флоренсия сафар кард. Аз соли 1910 дар Гюстров доимӣ умр ба сар бурд. Аз соли 1919 узви АР Пруссия дар Берлин. Эрнст Барлах дар муҷассамаҳояш таъсири санъати пайкарасозии асримиёнагии олмониро бо экспрессионизм ва символизм даромехт. Ӯ санъати пайкарасозиро бо диди нав ва истифодаи таъсирбахши тобишҳои биринҷӣ ва чӯб ғанӣ гардонд («Ҳайкали қурбоншудагон» дар калисои ҷомеи Магдебург ва «Фариштаи паррон» дар Гюстров намунаҳои ансамбли меъмории нав мебошанд). Муаллифи якчанд асарҳои драмавии дорои хусусияти фалсафию тасаввуфист, ки бо тасвирҳои эҷодкардаи худаш ба табъ расидаанд. Китобҳои худаш ва нависандагони дигарро оро додааст. Ба асари «Фауст»-и И. В. Гёте тасвирҳо кашидааст (кандакорӣ дар чӯб, 1923). Бо барқарор гардидани низоми фашистӣ (1933) Эрнст Барлах гирифтори таъқиб гардид, асарҳояшро аз осорхонаҳо гирифтанд, пайкараҳо ва муҷассамаҳояшро аз байн бурданд. Ӯ нигораҳои бисёре ба равиши графикӣ ва ҳаккокии рӯи чӯб сохтааст. «Марде, ки шамшер мекашад» (1911), «Зани деҳқон» (1930) аз ҷумлаи осори пайкарасозии ӯ мебошанд.
Намунаҳо аз осор
вироиш-
Барлах Э. Ҷуфти ошиқи рус -
Гадо бо коса -
Дарозкашида -
Гадои нобино -
Нишаста
Эзоҳ
вироиш- ↑ Bibliothèque nationale de France идентификатор BNF (фр.): платформаи додаҳои боз — 2011.
- ↑ 2.0 2.1 Ernst Barlach (нидерл.)
- ↑ Ernst Barlach (ингл.) — OUP, 2006. — ISBN 978-0-19-977378-7
- ↑ 4.0 4.1 4.2 Барлах Эрнст // Большая советская энциклопедия (рус.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
- ↑ KulturNav (ингл.) — 2015.
Адабиёт
вироиш- Маркин Ю., П. Э. Барлах. Пластические произведения. М., 1976;
- Новая российская энциклопедия. Т. 2. М., 2005.
- .دائرةالمعارف هنر. تهران، ۱۳۹۰
Сарчашма
вироиш- Барлах Эрнст Генрих // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.