Ғаюрии Кобулӣ

Ғаюрии Кобулӣ (форсӣ: غیوری کابلی‎; қарни XVII) — шоири форс-тоҷик.

Ғаюрии Кобулӣ

Зиндагинома

Дар зодгоҳаш — Кобул таҳсил намудааст. Дар бораи шарҳи ҳолаш маълумоти муфассал ба даст наомадааст. Аз Кобул ба Ҳиндустон рафта, аз мулозимони Акбар (ҳукмронӣ 1556−1605) гардид ва «мартабааш тараққӣ ёфт» (тазкираи «Арафоту-л-ошиқин ва арасоту-л-орифин»-и Авҳадӣ). Соҳибдевон будааст.

Абёти зер аз ӯст:

Дерест, дило, ҷаҳонпарастӣ, чӣ шудӣ?
Бас тарф зи молу ҷоҳ бастӣ, чӣ шудӣ?
Аз суҳбати халқ рӯ ба танҳоӣ кун,
Умре ба ҷаҳониён нишастӣ, чӣ шудӣ?

Адабиёт

• Ғаюрии Кобулӣ / С. Ализода // Ғ — Дироя. — Д. : СИЭМТ, 2016. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 5). — ISBN 978-99947-33-67-5.