Қавсии Исфароинӣ

Қавсии Исфаройинӣ форсӣ: قوسئ اسفراینی‎; қарни XV — қарни XVI) — шоири форс-тоҷик.

Қавсии Исфароинӣ

Зиндагинома

Бино ба маълумоти Навоӣ, илмҳои маъмули замонро дар зодгоҳаш омӯхта, баъдтар ба касби сипоҳигарӣ машғул шудааст. Даъвои паҳлавонӣ ҳам мекард. Навоӣ ӯро аз шоирони хуштабъу боистеъдод донистааст.

Матлаъи яке аз ғазалҳои ӯ:

Чу бар ман вақти ҷонбозӣ либоси хештан пӯшад,
Касе хоҳам, ки рӯзи марг бар тобути ман пӯшад.

Адабиёт

• Қавсии Исфароинӣ / У. Тоиров // Косон — Қурбон. — Д. : СИЭМТ, 2023. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 11). — ISBN 978-99985-0-053-2.

• Мир Низомуддин Алишери Навоӣ. Маҷолису-н-нафоис. Д., 2018.